ଇଂ. ଶାଶ୍ଵତ ରଞ୍ଜନ ଦାସ, କଟକ, ୨୭ ଜୁନ ୨୦୨୫
ରଥ ଚଢ଼ି ଯାତ୍ରା କର ଆହେ ଚକ୍ରଧର,
ନୀଳାଚଳେ ଲୀଳା ତୁମ ଅନନ୍ତ ଅପାର । (୧)
ବଡଦାଣ୍ଡ ହେଲା କିବା ମାନବ ସମୁଦ୍ର,
ବିଜେ ରଥେ ତୁମ ସାଥେ ଭଦ୍ରା ବଳଭଦ୍ର । (୨)
ଭକ୍ତ ହୃଦୟରେ କର ତୁମେ ନିତ୍ୟ ବାସ,
ହସୁଛି ତୁମକୁ ପାଇ ଆଜି ନନ୍ଦିଘୋଷ । (୩)
ଭକତ ଭିଡ଼ିବେ ରଥ ଦଉଡି଼କୁ ଟାଣି,
ଅପଲକ ଚାହାଣିରେ ତୁମର କି, ଠାଣି। (୪)
ବାଜିଲାଣି ଘଣ୍ଟ ଘଣ୍ଟା, ଶଂଖ, ହୁଳହୁଳି,
ବେଦ ମନ୍ତ୍ରେ ବଡ଼ଦାଣ୍ଡ ଉଠୁଛି ଉଛୁଳି। (୫)
ଅପୂର୍ବ ଏ ଦୃଶ୍ୟ ଦେଖି ନୟନ ପବିତ୍ର,
ବାମନ ଦେଖିଲେ ରଥେ ମୋକ୍ଷ ହୁଏ ପ୍ରାପ୍ତ । (୬)
ନାହିଁ କର୍ଣ୍ଣ, ନାହିଁ ନାସା, ନାହିଁ ପଦ ହସ୍ତ,
ସମ ଭାବେ ଅନାଇଛ ଅହେ ଜଗନ୍ନାଥ। (୭)
ରଥଯାତ୍ରା ନୁହେଁ ତବ କେବଳ ଉତ୍ସବ,
ଶିଖାଏ କି ସଂସାର ଟା ଗୋଟାଏ କୁଟୁମ୍ବ । (୮)
ନବଦିନ ଯାତ୍ରା ସାରି ଫେରିବ ସାଆନ୍ତେ,
କୃତାର୍ଥ ହୋଇବେ ସର୍ବେ ଶ୍ରଦ୍ଧାଳୁ ଭକତେ । (୯)
ପାରିହେବାକୁ ସଂସାର ଦେଖାଅ ହେ ପଥ,
ତୁମ ପାଇଁ ସମର୍ପିତ ମୋ ଶରୀର ରଥ । (୧୦)
