ବ୍ୟୁରୋ ରିପୋର୍ଟ, ନିର୍ଭୀକ, ୩୦ ଜୁନ୍ ୨୦୨୬ ଚଳିତ ଜୁନ ମାସ ୨୫ ତାରିଖ ଠାରୁ ହଠାତ୍ ଚଳଚଞ୍ଚଳ ହୋଇପଡ଼ିଛି ବିଜୁ ଜନତା ଦଳର ରାଜ୍ୟ କାର୍ଯ୍ୟାଳୟ "ଶଙ୍ଖ ଭବନ"। ତାର ଏକମାତ୍ର କାରଣ ହେଉଛି ରାଜ୍ୟର ପ୍ରମୁଖ ବିରୋଧୀ ଦଳ ଏବେ ପାଇଯାଇଛି ନିଜର ଭବିଷ୍ୟତ ନେତୃତ୍ୱ । ସମସ୍ତ କଳ୍ପନା ଜଳ୍ପନାର ଅବସାନ ଘଟିଛି, ବିଜେଡିରେ ସାମିଲ ହୋଇଛନ୍ତି ସୁଜାତା ଆର. କାର୍ତ୍ତିକେୟନ। ଯାହାଙ୍କର ବଡ଼ ପରିଚୟ ହେଉଛି ସେ ହେଉଛନ୍ତି ଭି.କେ.ପାଣ୍ଡିଆନଙ୍କ ପତ୍ନୀ। ବିଧିବଦ୍ଧ ଭାବେ ସେ ବିଜେଡିରେ ସାମିଲ ହେବାପରେ ଏବେ ବିଜେଡି ରାଜନୀତି କଡ଼ ଲେଉଟାଇବ ବୋଲି ଚର୍ଚ୍ଚା ଆରମ୍ଭ ହୋଇଗଲାଣି। ତେବେ ଦଳରେ ସେ ଯୋଗଦାନ କରିବା ପରଠାରୁ ଅନେକ ରୋଚକ ଘଟଣା ଦେଖିବାକୁ ମିଳୁଛି। ୨୦୨୪ ସାଧାରଣ ନିର୍ବାଚନ ପରେ ବିଜେଡିର ରାଜ୍ୟ କାର୍ଯ୍ୟାଳୟ ଶଙ୍ଖ ଭବନରେ ଆଗଭଳି ଭିଡ଼ ଦେଖିବାକୁ ମିଳୁନଥିଲା। ବିଜେଡିର ବଡ଼ ବଡ଼ ନେତାମାନେ ଶଙ୍ଖ ଭବନ ଆସୁନଥିଲେ। ମାତ୍ର ସୁଜାତା ବିଜେଡିରେ ସାମିଲ ହେବା...