ବ୍ୟୁରୋ ରିପୋର୍ଟ, ନିର୍ଭୀକ, ୫ ଜୁନ୍ ୨୦୨୬ ଓଡ଼ିଶାରେ ବିଜେପି କ୍ଷମତାକୁ ଆସିବାର ଦୁଇ ବର୍ଷ ହୋଇଗଲା। ଏହି ଦୁଇ ବର୍ଷ ଭିତରେ ଯଦି ବିଜେପିର ଆଭ୍ୟନ୍ତରୀଣ ସ୍ଥିତି କେହି ବୁଝିବାକୁ ଚେଷ୍ଟା କରେ, ତେବେ ତାହା ସେତେଟା ଭଲ ନାହିଁ ବୋଲି କେହିବି କହିଦେଇ ପାରିବ। ସରକାରରେ ଓ ଦଳ ଭିତରେ ସମନ୍ୱୟ ନାହିଁ ଏବଂ ଦଳର ସାଙ୍ଗଠନିକ ଅବସ୍ଥା ମଧ୍ୟ ଭଲ ନାହିଁ। ଯାହାକୁ ପଚାରିଲେ ସମସ୍ତେ କହୁଛନ୍ତି ଦଳରେ ଯେତେ ନେତା ସେତେ ଗୋଷ୍ଠୀ। ଏଇ ନିକଟରେ ରାଜ୍ୟ ବିଜେପି କାର୍ଯ୍ୟାଳୟରେ ଏକ ମିଶ୍ରଣ ପର୍ବ ଅନୁଷ୍ଠିତ ହେଲା। ଯେଉଁଥିରେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ଜଣେ ବିଜେଡିର ଯୁବନେତା ରୁଦ୍ର ସାମନ୍ତରାୟଙ୍କୁ ବିଜେପିରେ ମିଶାଇଲେ। ମାତ୍ର ଏହି ମିଶ୍ରଣ ପର୍ବକୁ ଦଳର ଅନ୍ୟ ଗୋଷ୍ଠୀର ନେତାମାନେ ଘୋର ବିରୋଧ କଲେ। ବିଜେପିର ଭୁବନେଶ୍ୱର ଜିଲ୍ଲା ସଭାପତି ବିଧାୟକ ବାବୁ ସିଂ ଏପରିକି ମଧ୍ୟ ଭୁବନେଶ୍ୱରର ନେତା ଜଗନ୍ନାଥ ପ୍ରଧାନ ଏହି ମିଶ୍ରଣ ପର୍ବରେ ଉପସ୍ଥିତ...