ଜୟ କୁମାର ମିଶ୍ର, ଗଜପତି, ୧୪ ମାର୍ଚ୍ଚ ୨୦୨୬
ଗତ ଜନ୍ମ ଥିଲ, ବ୍ରହ୍ମ ରାକ୍ଷାସଟି
ଏ ଜନମେ ହେଲ ନର
ମହତଟି ଯାଉ, ହୁଅ ହାଉଁ, ହାଉଁ,
ଟଙ୍କା ଖିଆ ନରାସୁର (୧)
ଭୁଲି ଭଲମନ୍ଦ, କ୍ଷମତାରେ ଅନ୍ଧ,
ଇନ୍ଦ୍ର, ଚନ୍ଦ୍ର ହେୟ ଜ୍ଞାନ
ଧରମ, ଅଧର୍ମ, ପୁଣ୍ୟ ଆଉ ପାପ
ପୋଚୁଛ, ଇଜ୍ଜତ ମାନ (୨)
ଗରିବ, ଅଭାବୀ, ନିରୀହ ନଭାବି
ଯାଅ ଭୁଲି ଦୁଃଖୀ, ରଙ୍କୀ
ନିଷ୍ଠୁର ହୃଦୟ, ଟଙ୍କା ପ୍ରତି ମୋହ
ଆଶକ୍ତେ ଦେଉଛ ଭକ୍ଷି (୩)
କେତେ ବା ଖାଇବ କେତେ ଲୁଚାଇବ
କେଉଁଠି ରଖିବ କୁହ ??
କଳା ଧନ ଅର୍ଥ, ଆୟ ବହିର୍ଭୁତ
ପ୍ରତି ବଢ଼ୁ ଅଛି ମୋହ (୪)
ଦରମା ଗଣ୍ଡାକ, ଖାତାଟିରେ ରଖ
ଜମା ଧନ ହୁଏ ମୋଟା,
ଉପରି ଧନରେ, ବିଳାସ, ବସନ
ଗାଡ଼ି, ବାଡ଼ି, ବିଲ, କୋଠା (୫)
ଆଳି, ଅଳଙ୍କାର, ଚାକ, ଚକ୍ୟ ଘର
ଘରଦ୍ୱାର ଜମି, କିଣା
ଲୁଚାଛପା ଧନ, ସେତ ଅପ୍ରମିତ
ଭରେ ଗଡ଼ରେଜ, ମୁଣା (୬)
କିଏ ଶେଜ ତଳେ, ରଖେ ବଳେ ବଳେ
ଟଙ୍କାର ଶେଜରେ ନିଦ,
ପାପରେ ସଞ୍ଚିତ, ବଢ଼ାଏ ସେ ମତ୍ତ
ଆଖି ଥାଉଁ, ଥାଉଁ ଅନ୍ଧ (୭)
ସବୁ କରି ପଛ, ଭୁଲି ଆଗପଛ,
ଧନ ଯୋଗାଡରେ ବ୍ୟସ୍ତ,
ଭାବୁଛ ଚତୁର, ବୁଦ୍ଧିଟି ପ୍ରଖର
ଦେଖୁନି କାହାର ନେତ୍ର (୮)
ହେବ ହଟହଟା, ଭଦ୍ର ମୁଖଗୋଟା
ଦିନେ ହୋଇଯିବ, ଧରା,
ଫୁଲ ଯେବେ ଫୁଟେ, ମହକଟି ଛୁଟେ
ବାସିବ ଜଗତ ସାରା (୯)
ତୁମେ ଧଳା ହାତୀ, ଚରି ଯାଅ ନିତି
କରି ଲୁଚା ଚୋରା କେତେ,
ଖାଉ ଥିଲେ ଯେତେ, ଭୋକ ବଢ଼େ ସେତେ
ଚୋରାଇ ଲୁଚାଇ ଯେତେ (୧୦)
ମାଣ ଗଲେ ପୁରି, ସେର ଗଲେ ଭରି
ଦଇବ ଛାଡିବ ତୋତେ,
କ୍ଷମତା ଅଧିକାର, କରିବ ବଇର
ଦେବୁ ଧରା, ଷଡଯନ୍ତ୍ରେ (୧୧)
ଆଖି ବୁଜି କ୍ଷୀର, ଲୁଚି ପିଉ ଅଛୁ
ଜଗତ ଅନ୍ଧାର ଭାବୁ,
ହାତେ କଡ଼ି ଧରି, ମାମୁଁ ଘେର ବରି
ହାଜତ ଘରରେ ଥିବୁ (୧୨)
ଗୁଇନ୍ଦାର ବାଘ, ରହିଛି ସଜାଗ
ଡାଳେ ଡାଳେ, ପତ୍ରେ ପତ୍ରେ
ପ୍ରମାଣ ଯୋଗାଡ଼ି, ଘେନିଯିବ ଭିଡି
ଆସି ଦଳ ବଳ ସାଥେ (୧୩)
