ପ୍ରବାହ ସମୟ

ମାନସ ରଞ୍ଜନ ମହାପାତ୍ର, ପୁରୀ, ୩୦ ଡିସେମ୍ବର ୨୦୨୨

କେଉଁଠି ଥିଲେ ଏତେ କବିତା
ଏତେ ବର୍ଷ
ହେଉନଥିଲେ ପଢ଼ି
ଏବେ ପଢ଼ିବା ଆରମ୍ଭ କଲି ତ
ଜଣାଗଲା
ସମୟ ଯାଇଛି ଗଡ଼ି

ଏ ଭିତରେ ହଜିଗଲେ
କେତେ ପ୍ରିୟ ପ୍ରିୟତମ
ହଜିଯାଇଛି ତାଙ୍କ ଠିକଣା
ବହୁ ଜଣା ଅଜଣା ଆତତାୟୀଙ୍କ ଆଘାତରେ
ଏବେ ମୁଁ ଭୁଲୁଣ୍ଠିତ

ଏତେ ଗୁଡେ କବିତା
କେଉଁଠି ଥିଲେ ଏତେ ବର୍ଷ
ଖରା ବର୍ଷା ଶୀତ ସହି
କେଉଁ ଜଙ୍ଗଲରେ !

ଏବେ ପଢ଼ିବା ଆରମ୍ଭ କରିଛି ମୁଁ
ଶେଷ କେବେ ହେବ, ଦେଖ !

ମାନସ ରଞ୍ଜନ ମହାପାତ୍ର ଜଣେ ବିଶିଷ୍ଟ ସାହିତ୍ୟିକ, ରାଷ୍ଟ୍ରୀୟ ପୁସ୍ତକ ଟ୍ରଷ୍ଟର ପୁର୍ବତନ ସମ୍ପାଦକ ଏବଂ ଜାତୀୟ ଶିଶୁ ସାହିତ୍ୟ କେନ୍ଦ୍ରର ମୁଖ୍ୟ । ଦୂରଭାଷ ନଂ ୯୮୯୧୯୪୬୧୭୮