ବ୍ୟୁରୋ ରିପୋର୍ଟ, ନିର୍ଭୀକ, ଭୁବନେଶ୍ୱର, ୨ ଅକ୍ଟୋବର ୨୦୨୩
ଭୁବନେଶ୍ବର ରେଡ୍ କ୍ରସ ଭବନ ସମ୍ମିଳନୀ କକ୍ଷରେ ଗାନ୍ଧୀ ଜୟନ୍ତୀ ଅବସର ରେ ଶରତ କର ଓ ଅନିମା କର ଫାଉଣ୍ଡେସନ ପକ୍ଷରୁ ପ୍ରକାଶିତ ନିର୍ଭୀକ (ଗାନ୍ଧୀ ଜୟନ୍ତୀ) ସ୍ଵତନ୍ତ୍ର ସଂଖ୍ୟା ବିଶିଷ୍ଟ ଗାନ୍ଧୀବାଦୀ ଜନନାୟକ, ନିଶା ମୁକ୍ତି ଆନ୍ଦୋଳନ ର ପୁରୋଧା ଶ୍ରୀ ପଦ୍ମ ଚରଣ ନାୟକ, ଗାନ୍ଧୀ ବାଣୀ, ଭାରତୀୟ ସଂସ୍କୃତି ତଥା ଶାସ୍ତ୍ରୀୟ ନୃତ୍ୟ ସଙ୍ଗୀତ ର ଅନ୍ୟତମ ପ୍ରଚାରକ ପଦ୍ମଶ୍ରୀ ପ୍ରଫେସର୍ ଡଃ କିରଣ ସେଠ୍ ଏବଂ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ବିଜୟିନୀ କବିୟତ୍ରୀ ପ୍ରଧ୍ୟାପିକା ଡଃ ମନୋରମା ବିଶ୍ଵାଳ ମହାପାତ୍ର ଙ୍କ ଦ୍ଵାରା ଉନ୍ମୋଚିତ ହୋଇ ଯାଇଛି ।
ସତ୍ୟ, ଅହିଂସା, ସତ୍ୟାଗ୍ରହ ଓ ନିର୍ଭୀକତା ହିଁ ଗାନ୍ଧିଜୀ ଙ୍କ ଜୀବନର ଆଦର୍ଶ ଥିଲା ଏବଂ ଏହି ନୀତି ଆଦର୍ଶ ର ଅନୁଗାମୀ ହେଲେ ସଫଳତା ନିଶ୍ଚୟ ମିଳି ପାରିବ ବୋଲି। ଅତିଥି ମାନେ ମତବ୍ୟକ୍ତ କରିଥିଲେ । ଗାନ୍ଧୀ ଜୟନ୍ତୀ ତଥା ନିର୍ଭୀକ ର ଗାନ୍ଧୀ ବିଶେଷାଙ୍କ ଉନ୍ମୋଚନ ଉପଲକ୍ଷେ ମହାତ୍ମା ଗାନ୍ଧୀ ଏବଂ ନିର୍ଭୀକ ର ପ୍ରତିଷ୍ଠାତା ସ୍ୱର୍ଗତଃ ଶରତ କୁମାର କରଙ୍କ ଫଟୋ ଚିତ୍ର ରେ ମାଲ୍ୟାର୍ପଣ କରିବା ସହିତ ପ୍ରଦୀପ ଜାଳି ଅତିଥି ମାନେ ଉତ୍ସବ ଉଦ୍ ଘାଟନ କରିଥିଲେ । ଏହି ଉତ୍ସବରେ ଅଧ୍ୟକ୍ଷତା ପ୍ରାକ୍ତନ ଆୟକର କମିଶନର ଶ୍ରୀ ଶୋଭନ କର ଗାନ୍ଧିଜୀ ଙ୍କ ନୀତିବାଣୀ ଅନୁସାରେ ସେବା କୁ ତପସ୍ୟା ବୋଲି ଗ୍ରହଣ କରିବାକୁ ପରାମର୍ଶ ଦେଇଥିଲେ ।
ପ୍ରାରମ୍ଭରେ “ନିର୍ଭୀକ” ର ସଂପାଦକ ଶ୍ରୀ ଅବନୀ ଚନ୍ଦ୍ର ଦାସ ସ୍ବାଗତ ଭାଷଣ ଦେଇ ଗାନ୍ଧିଜୀ ଙ୍କ ନୀତି ଓ ଆଦର୍ଶ କୁ ପାଥେୟ କରି ନିର୍ଭୀକ ଆଗକୁ ବଢିବ ବୋଲି କହିଥିଲେ ।
ଆକାଶ ବାଣୀ ତଥା ଦୂରଦର୍ଶନ ର ସ୍ଵୀକୃତି ପ୍ରାପ୍ତ କଣ୍ଠ ଶିଳ୍ପୀ ମୁକୁନ୍ଦ ଦେବ ସାହୁ ଓ ସାଥୀ କଳାକାର ମାନଙ୍କ ଦ୍ଵାରା ଗାନ୍ଧିଜୀ ଙ୍କ ପ୍ରିୟ ଭଜନ ପରିବେଷିତ ହୋଇ ଉତ୍ସବ ସ୍ଥଳରେ ଅତ୍ୟନ୍ତ ଭାବମୟ ପରିବେଶ ସୃଷ୍ଟି କରିଥିଲା।
ଶେଷରେ ସିପ୍ରା କର ଧନ୍ୟବାଦ୍ ଦେଇଥିଲେ ।
