ଦେବେନ୍ଦ୍ର କୁମାର ସାହୁ, ନିଶ୍ଚିନ୍ତକୋଇଲି, ୧୪ ନଭେମ୍ବର ୨୦୨୪
ଆମେ ଶିଶୁ, ଆମେ ଶିଶୁ
ଜାତି କି ଧରମ ଜାଣି ନାହୁଁ ଆମେ
ସଭିଙ୍କୁ ଦେଖିଣ ଆମେରେ ହସୁ.
ଆମେ ଶିଶୁ, ଆମେ ଶିଶୁ
ପାପ ପୂଣ୍ୟ କା’ର ହିସାବ ନକରି
ଆପଣା ପଣରେ ସବୁଠି ବସୁ.
ଆମେ ଶିଶୁ, ଆମେ ଶିଶୁ
ଶୁଦ୍ଧ ସ୍ନେହ ପ୍ରେମ ଦେଖି ମଣିଷର
ସେ ମଣିଷ ପାଶେ ଧସେଇ ପସୁ.
ଆମେ ଶିଶୁ, ଆମେ ଶିଶୁ
ଆମ ପ୍ରତି ଯିଏ କରଇ ଛଳନା
ତା ପାଖରୁ ଆମେ ହସିକି ଖସୁ.
ଆମେ ଶିଶୁ, ଆମେ ଶିଶୁ
ଆମ ନୃତ୍ୟ ଛନ୍ଦ ନିଷ୍କପଟ କର୍ମେ
ପ୍ରାଣୀଙ୍କ ହୃଦୟ ପ୍ରେମରେ ଗ୍ରାସୁ.
ଆମେ ଶିଶୁ, ଆମେ ଶିଶୁ
ସମାଜ ର ଦୁଃଖ ଯାତନା ସବୁକୁ
ନିଷ୍ପାପ ହସରେ ନିମିଷେ ନାଶୁ.
