ଆରାଧନା

ଆରାଧନା କରେ ପ୍ରଭୁ ତବ ପାଦ ଚିହ୍ନ,
ଦର୍ଶନ ପିପାସୀ ମନ ହେଉଛି ଉଚ୍ଛନ୍ନ ।। ୧ ।।

ତୁମ ଦର୍ଶନରେ ମନ ହୁଅଇ ପ୍ରସନ୍ନ,
ଆକାଶ ଯେମିତି ହୁଏ ପାଇ ପୂର୍ଣ୍ଣ ଜହ୍ନ ।। ୨ ।।

ମନ୍ଦିରେ ସଂନ୍ଧ୍ୟା ଆଳତି ଭଜନ କୀର୍ତ୍ତନ,
ହୃଦୟେ ଜଗାଇ ଦିଏ ଅଜଣା କମ୍ପନ ।। ୩ ।।

ଭଜନର ମୂର୍ଚ୍ଛନାରେ ହୋଇ ଆତ୍ମହରା,
ମନରେ ଆଙ୍କେ ଦିବ୍ୟ ରୂପର ପସରା ।। ୪ ।।

ଜୀବନ ରଥର ପରା ତୁମେ ହିଁ ସାରଥୀ,
ସଂସାରେ କେବଳ ତୁମେ ବିମଳ ପୀରତି ।। ୫ ।।

ମିଛ, ମାୟା ବନ୍ଧନକୁ ହୋଇଯିବି ପାରି,
ଅହୋରାତ୍ର ନିରନ୍ତର ତୁମ ନାମ ଧରି ।। ୬ ।।

ତୁମ ଠାରେ ରହିଥାଉ ସଦା ମୋର ଧ୍ୟାନ,
ଶାନ୍ତ କରି ଦିଅ ପ୍ରଭୁ ଏ ଅସ୍ଥିର ମନ ।। ୭ ।।

ପହଞ୍ଚାଇ ଦିଅ ପ୍ରଭୁ ତୁମ ଶ୍ରୀଚରଣେ,
ଭରି ଦିଅ ପୀୟୂଷ ମୋର ଶୁଷ୍କ ଜୀବନେ ।। ୮ ।।

ଦିବ୍ୟ ରୂପର ଲାବଣ୍ୟ ସଦା ଦିଶୁଥାଉ,
ତୁମରି ସାନିଧ୍ୟ ଲଭି ଘଟ ପୁରିଯାଉ ।। ୯ ।।