ପ୍ରଭୁକଲ୍ୟାଣ ମହାପାତ୍ର, ଭୁବନେଶ୍ୱର, ୧ ଅକ୍ଟୋବର ୨୦୨୪
ଅଧୁନା ଭୋଟର ଚାଖୁଛି ମଉଜ
ଉଇଁଛି ଶାସନର ନୂଆ ସୁରୁଜ
ବହୁମତରେ ଆଉ ନାହିଁ ସର୍କାର
ବିରୋଧୀ ଚାପ ରହିଅଛି ଜବର
ଚାପ ଭିତରେ ରହିଲେ ସରକାର
ବାଟ ହୁଡ଼ିବ ନାହିଁ ଗଣତନ୍ତ୍ରର
ତେଣୁ ଲୋକଙ୍କର ବଢ଼ିଛି ଗରଜ
ଏହା ଗଣତନ୍ତ୍ରର ପରା ସୌନ୍ଦର୍ଯ୍ୟ ।। ୧ ।।
ଆଜି ଭୋଟର ହୋଇଛି ସତେଜ
ଏବେ ତା’ କାମ ହୋଇଯିବ ସହଜ
ଯେଣୁ ଖଣ୍ଡାଧାରରେ ଅଛି ଶାସନ
ବିରୋଧୀ ଦଳ କରୁଅଛି ଗର୍ଜନ
ବିରୋଧୀ ହେଉଛି ଖାଲି ତରତର
କରିବାକୁ ସିଂହାସନ ଅକ୍ତିଆର
ଲୋକଙ୍କ ସମସ୍ୟା ଭିତ୍ତିକ ଆବାଜ
ଆଉ ହେବ ନାହିଁ ନଜର ଅନ୍ଦାଜ ।। ୨ ।।
ଲୋକଙ୍କ ଦାବି ହେଉଅଛି ଦରଜ
ଆଗ ଭଳି ହେଉନାହିଁ ତାହା ଖାରଜ
ଏବେ ଚାଲିଛି ଲୋକଙ୍କ ସରକାର
ମନ୍ତ୍ରୀ ଶାସନ କଳରେ ହରବର
ବିରୋଧୀ ଦଳର ମନ ଛନଛନ
ଶାସକ ଗୋଷ୍ଠୀ ହେଉଛି କନକନ
ଶାସକ, ବିରୋଧୀ ସାଜିକି ଫଉଜ
ଭରଣା କରିବେ ଲୋକଙ୍କ କରଜ ।। ୩ ।।
