ମାନସ ରଞ୍ଜନ ମହାପାତ୍ର, ପୁରୀ, ୧୩ ସେପ୍ଟେମ୍ବର ୨୦୨୨
ସରିଗଲାଣି କେବେଠୁ
ସେମାନଙ୍କ ଯାତ୍ରା
ସେମାନେ ଫେରିଆସିଲେଣି
ନିଜନିଜ ଘରକୁ
ହରିମିଶ୍ରେ ଫେରିଆସିଲେଣି
ମିଶ୍ର ସାହି
ମହାପାତ୍ର ଭାସ୍କର ଗନ୍ତାୟତ
ଗୋସାଣୀ ନୂଆ ଗାଁ
ଜେପି ଦାସ୍ ସୂର୍ଯ୍ୟ ନଗର
ଦେବଦାସ ଛୋଟରାୟ
ଆଲାମ ଚାନ୍ଦ ବଜାର
ବ୍ରଜେନ୍ଦ୍ର ତ୍ରିପାଠୀ ଗ୍ରେଟର ନୋଇଡା
କେଉଁଠିକୁ ଫେରିବି ମୁଁ
କଟକ କି ଲକ୍ଷ୍ନୌ କି ଭଣ୍ଡାରୀପୋଖରୀ
ଉମରକୋଟ କି ଦିଲ୍ଲୀ କି ଶିଲଂ
କି ପୁରୀ ?
କେହି ଡାକୁନାହାନ୍ତି ଫେରିଆସିବାକୁ
ମୁଁ ଅଧା ବାଟରେ ଛିଡ଼ାହୋଇଛି
ଏକୁଟିଆ ଦାରୁଭୂତମୁରାରୀ !
ମୋର କିଛି ସ୍ଥାୟୀ ଠିକଣା ନଥିଲା କାଲି
ନାହିଁ ଆଜି, ଜଣାନାହିଁ ଥିବ କି ନଥିବ
ଆସନ୍ତାକାଲି !!
