ପ୍ରଭୁକଲ୍ୟାଣ ମହାପାତ୍ର, ଭୁବନେଶ୍ୱର, ୨୩ ଡିସେମ୍ବର ୨୦୨୫
କିଛି କଥା ଲୁହ ହୋଇ ବହିଯାଏ ଆଖିରେ
ଆଉ କିଛି ଜମାଟ ବାନ୍ଧେ ନରମ ଛାତିରେ,
ଉଙ୍କିମାରେ କିଛି କଥା ଏ ଗହନ ମନରେ
ଅହରହ ଝୁଣୁଥାଏ ଏ ମନକୁ ତାହାରେ ।।୧।।
କିଛି କଥା ଏ ମନରେ ସଦା ଜଳୁ ଥାଏରେ
ସବୁ ଚେଷ୍ଟା କରି ତାହା ଆଦୌ ଲିଭେ ନାହିଁରେ,
ଏମିତିବି କିଛି କଥା ଆଲୋଡିତ କରେରେ
ଅଭୁଲା ରହିଥାଏ ତାହା ସାରା ଜୀବନରେ ।।୨।।
ଈଶ୍ୱର ମିହମା କଥା ଆଖି ଖୋଲି ଦିଏରେ
ଲୋଭ, ମୋହ, ମାୟା ଠାରୁ ମନ ଫେଡ଼ି ନିଏରେ,
ପ୍ରବଚନ, ସଂକୀର୍ତ୍ତନ ମନ ଥୟ କରେରେ
ଆଧ୍ୟାତ୍ମିକ ଆଲୋଚନା ହୃଦେ ଶାନ୍ତି ଭରେରେ ।।୩।।
