କେଉଁଠି ଲୁଚିପାରିବି, କହିଲ ?

ମାନସ ରଞ୍ଜନ ମହାପାତ୍ର, ପୁରୀ, ୦୮ ସେପ୍ଟେମ୍ବର ୨୦୨୨

କେଉଁଠି ଲୁଚିପାରିବି କହିଲ —

ଏତେ ବଡ଼ ପୃଥିବୀରେ
ଲୁଚିବାକୁ ଟୋପେ ଜାଗା ନାହିଁ
ମାଡ଼ି ମକଚି ହେଇ ବଞ୍ଚୁଛି
ଆଉ କେତେଦିନ ଚାଲିପାରିବି, କହିଲ

ପ୍ରଜାପତି ପରି ଘୁରି ବୁଲୁଛି ନିବୁଜ କୋଠରୀରେ
ଧକ୍କା ଖାଇ ମରିବା ହିଁ ମୋର ଭାଗ୍ୟ
ସବୁ ରାସ୍ତା ବନ୍ଦ ପଳେଇଯିବାର
ସବୁଠି କିଛି ଆତତାୟୀ
ପ୍ରତିନିଧି କଳା ଶାସନର

ଏବେ ମୋର ଆଲୁଅ ଲୋଡ଼ା
ସବୁଠି ତ ଅନ୍ଧାର
ଲୋଡ଼ା ଆଶ୍ରୟ ନିରାପଦ
ଯେଉଁଠି ମୁଁ ଆନନ୍ଦରେ
ଗାଇପାରିବି ଗୀତ !!

ମାନସ ରଞ୍ଜନ ମହାପାତ୍ର ଜଣେ ବିଶିଷ୍ଟ ସାହିତ୍ୟିକ, ରାଷ୍ଟ୍ରୀୟ ପୁସ୍ତକ ଟ୍ରଷ୍ଟର ପୁର୍ବତନ ସମ୍ପାଦକ ଏବଂ ଜାତୀୟ ଶିଶୁ ସାହିତ୍ୟ କେନ୍ଦ୍ରର ମୁଖ୍ୟ । ଦୂରଭାଷ ନଂ ୯୮୯୧୯୪୬୧୭୮