ଆଲୋକ କୁମାର ପ୍ରଧାନ, ପୁରୀ, ୨୬ ଜାନୁୟାରୀ ୨୦୨୬
ମୋର ଗୋଟେ ଦେଶ ଅଛି ଦେଶ ବୋଲି ବିଶ୍ୱାସ ଟେ ଅଛି
ବିଶ୍ୱାସର ମଞ୍ଜ ତଳେ ପରିଚୟ ଏଯାଏଁ ବଞ୍ଚଛି
ତଥାପି ମୁଁ ଆଗ ଦେଖେ ପଛ ଦେଖେ ଦେଖି କଥା କୁହେ
ସ୍ବାଧୀନ ମୁଁ! ଭାବିଲା ବେଳକୁ ଫି ଦିନ ସାହସ ଜୁଟାଏ
ମଣିଷ ହେଇ ପାରେନି ରାଜନୀତି ପଶାପାଲି ଡେଇଁ
ନିଶ୍ବାସ ନେଇ ପାରେନି ଧର୍ମ ଆଡୁ ନଜର ହଟେଇ
ବାଟ ବତେଇ ପାରେନି ଅବାଟର ଇନ୍ଦ୍ରଜାଲ ଏଡି
ଜୀବନଟା ଖୁବ୍ ଶସ୍ତା ବାଟସାରା ବହଳ କୁହୁଡି
ଭାଷଣରେ ପେଟ ପୁରେ କଷଣର ସୂଚନା ବା କାଇଁ
ପ୍ରତିଶୃତି ଧୂଆଁବାଣ ଖାଲି ଧୂଆଁ ନିଆଁ ଜମା ନାହିଁ
ସମତା ସାର୍ବଭୌମତା ପାଣିଗାର ଆକାଶ କଇଁଆ
ହକ୍ ମଗା ଲୋକ ଗୁଡା ଗୋଟେ ଗୋଟେ ମିଛୁଆ ରାଧୁଆ
କିଏ କୁହେ ସ୍ବାଧୀନ ମୁଁ ପରାଧିନୁ ମୁକୁଳିଲି କେବେ?
ମୋ ପାଇଁ ଦେଶ ଆଉ ଦେଶ ପାଇଁ ମୁଁ ଭାବିବସେ ଯେବେ।
