ରାକ୍ଷୀ

ପୁଷ୍ପଲତା ଦାସ, ଭୁବନେଶ୍ବର, ୯ ଅଗଷ୍ଟ ୨୦୨୫

ଭାଇ ହାତେ ଆଉ ଭଉଣୀ
ରାକ୍ଷୀ ବାନ୍ଧଇ ନାହିଁ,
ପବିତ୍ର ସମ୍ପର୍କ ଡୋରିଟା
ବନ୍ଧା ପଡ଼ିଛି କାହିଁ ! (୧)

ଭାଇର ସିନେହ ସରାଗ
ସାତ ପର ଠୁ ବଳି,
ଭାଇସାଥେ ପରା ଭାଉଜ
ନିତି ଲଗାଏ କଳି। (୨)

ଭାଇର ମଙ୍ଗଳ ମନାସି
ରାକ୍ଷୀ ପୁନେଇଁ ଦିନ,
ଶରଧାର ଡୋରି ବାନ୍ଧଇ
ନାଚେ ଭଉଣୀ ମନ । (୩)

ଗଲାଣି ତ ସବୁ ବିଗିଡି
ଭାଇ ଭଉଣୀ ସ୍ନେହ,
ସଞ୍ଚରିତ ଖାଲି ସମାଜେ
ଚୋରା ପୀରତି ମୋହ । (୪)

ରକତ ସମ୍ପର୍କ ହଜାଇ
ଖୋଜେ ଧରମଭାଇ,
ଭଉଣୀ ସୁରକ୍ଷା ବଦଳେ
ଫେରେ ପୀଡ଼ିତା ହୋଇ । (୫)

କାହିଁଗଲା ଆମ ସଂସ୍କୃତି
ପରମ୍ପରା ର ପର୍ବ,
ରାକ୍ଷୀର ମହତ୍ଵ ବିଚାର
ଆଜି ଖଣ୍ଡିତ ସର୍ବ । (୬)

ଆସ ଯେତେ ଭାଇଭଉଣୀ
ଆମେ ସଭିଏଁ ମିଳି,
ରଖିବା ରାକ୍ଷୀର ମହତ
ଆମ ପରବ ପାଳି। (୭)