ସତେ କି ମୋ ଭାଗ୍ୟ ହେବ

ଦେବେନ୍ଦ୍ର କୁମାର ସାହୁ, ନିଶ୍ଚିନ୍ତକୋଇଲି, ୭ ଜାନୁଆରୀ ୨୦୨୩

ସତେ କି ମୋ ଭାଗ୍ୟ ହେବ
ରତ୍ନ ସିଂହାସନେ ଦେଖା ମିଳିବ
ହେ ପତିତବନ୍ଧୁ
ତୁଳସୀ ବାସ ବାସିବ
ହେ ପତିତବନ୍ଧୁ.

ଚନ୍ଦନଅର୍ଗଳୀ ପାଶେ
କର୍ପୁର ଚନ୍ଦନ ଆହା କି ବାସେ
ହେ ପତିତବନ୍ଧୁ
ଚକାଆଖି ଭଲେ ଦିଶେ
ହେ ପତିତବନ୍ଧୁ.

ସ୍ନାନଜଳ ପାଉଥିବି
ଶ୍ରୀମୁଖକୁ ଚାହିଁ ଅଶ୍ରୁ ଝାଡିବି
ହେ ପତିତବନ୍ଧୁ
ଜୟ ତୁମ ଗାଉଥିବି
ହେ ପତିତବନ୍ଧୁ.

ସାଷ୍ଟାଙ୍ଗେ ମୁଁ ପଡ଼ିଥିବି
ନିଜ ଆତ୍ମା ପ୍ରଭୁ ସମର୍ପି ଦେବି
ହେ ପତିତବନ୍ଧୁ
ଆଶୀଷ ମୁଁ ଲୋଡୁଥିବି
ହେ ପତିତବନ୍ଧୁ.