ତୁମ ଆରାଧନା ତୁମର ବନ୍ଦନା

ଦେବେନ୍ଦ୍ର କୁମାର ସାହୁ, ୩୧ ଅଗଷ୍ଟ ୨୦୨୨

ତୁମ ଆରାଧନା ତୁମର ବନ୍ଦନା
କରୁଅଛି ମୁହିଁ ଗଣନାଥ,
ପୁଷ୍ପାଞ୍ଜଳୀ ଦେଇ ପ୍ରଣାମ କରଇ
ଦେଖାଅ ନାଥ ହେ ସତପଥ.
ଚାହିଁ ଦିଅ ଟିକେ କରୁଣା ଚକ୍ଷୁରେ
ଉଦୟ ହେଉ ମୋ ସଦଜ୍ଞାନ
ନମ୍ରତା ସାଧୁତା ଭରୁ ମୋ ହୃଦୟେ
କରୁଥାଏ ସଦା ସତକର୍ମ.
ମାତା ପିତା ପ୍ରତି ରହୁମୋ ଭକତି
ସେବାରେ ତାଙ୍କର ରହୁ ମତି
ଭାଇଚାରା ଭାବ ରହୁ ମୋ ଅତୁଟ
ସମସ୍ତଙ୍କ ପାଇଁ ରହୁ ପ୍ରୀତି.
ବାଧା ବିଘ୍ନ ଯେତେ ଆସୁ ଜୀବନରେ
ଭାଙ୍ଗି ମୁଁ ନ ଯାଏ କେବେହେଲେ
ବିଘ୍ନବିନାଶନ ପ୍ରଭୁ ଆଗ୍ରପୂଜ୍ୟ
ରଖି ଥାଅ ସଦା ବାହୁତଳେ.
ଜାଣି ନାହିଁ କିଛି ପୂଜା ଵିଧି ମୁହିଁ
ନାହିଁ ପାସେ କିଛି ଉପଚାର
ତୁମ ଶରଣରେ ରହୁଅଛି ନାଥ
ଜ୍ଞାନ ଜାଗରଣ ପ୍ରଭୁ କର.
*************
ଗଣଦେବତା ଅଗ୍ରପୂଜ୍ୟ ପାଶ ଅଙ୍କୁଶ ଧାରଣ
ବିଘ୍ନବିନାଶନ ଜ୍ଞାନ ବିଦ୍ୟା ପ୍ରଦାୟକ ଶ୍ରୀଗଣେଶଙ୍କ
ପବିତ୍ର ଜନ୍ମ ତିଥି ଅବସରରେ ମୋର ଭକ୍ତି ପୂତ ପ୍ରଣତି.
ଅଧୀନ
“ଦେବେନ୍ଦ୍ର ”
*************