ଜୟନ୍ତ ଦାସ ପାଇଲେ ମାହାଙ୍ଗା ଗୌରବ ସମ୍ମାନ

ମାହାଙ୍ଗା-ବଡ଼ଚଣା ସାହିତ୍ୟ ଓ ସଂସ୍କୃତି ପରିଷଦ ପକ୍ଷରୁ ଅବସରପ୍ରାପ୍ତ ଅତିରିକ୍ତ ଶାସନ ସଚିବ ତଥା ସୁଲେଖକ, ସମାଜସେବୀ ଓ ଗାନ୍ଧୀ ସ୍ମାରକନିଧିର ସମ୍ପାଦକ ଜୟନ୍ତ କୁମାର ଦାସ ଙ୍କୁ ମାହାଙ୍ଗା ଗୌରବ ସମ୍ମାନ ପ୍ରଦାନ କରାଯାଇଛି । ବାଲିଚନ୍ଦ୍ରପୁର ଠାରେ ଆୟୋଜିତ ଏକ ରାଜ୍ୟସ୍ତରୀୟ ସାରସ୍ୱତ ସମାରୋହରେ ଏହି ସମ୍ମାନ ପ୍ରଦାନ କରାଯାଇଛି । ଜୟନ୍ତ କୁମାର ଦାସଙ୍କୁ ଏହି ସମ୍ମାନ ମିଳିଥିବାରୁ ସ୍ଥାନୀୟ ଅଞ୍ଚଳର ବହୁ ବୁଦ୍ଧିଜୀବୀ ଓ ସାହିତ୍ୟିକ ମହଲରେ ଏହାକୁ ସ୍ୱାଗତ କରାଯାଇଛି । କେବଳ ସମାଜସେବୀ ନୁହେଁ ବରଂ ଜାତିର ପିତା ମହାତ୍ମା ଗାନ୍ଧୀଙ୍କ ଆଦର୍ଶ ଓ ବିଚାରଧାରାକୁ ପ୍ରଚାର ଓ ପ୍ରସାର କରିବାରେ ଅଗ୍ରଣୀ ଭୂମିକା ନେଇଥିବା ଶ୍ରୀ ଦାସଙ୍କୁ ବିଭିନ୍ନ ମହଲରୁ ଅଭିନନ୍ଦନ ଜ୍ଞାପନ କରାଯାଇଛି । ବହୁ ସମୟ ଧରି ଜୟନ୍ତ କୁମାର ଦାସ ନିଜ ଲେଖନୀ ମାଧ୍ୟମରେ ଗାନ୍ଧୀ ବିଚାର ଧାରାକୁ ଗୁରୁତ୍ୱ ଦେବାସହ ଯୁବପିଢ଼ୀଙ୍କୁ ଏଥିରେ ଅନୁପ୍ରାଣିତ ହେବାପାଇଁ ଚେଷ୍ଟା କରିଆସୁଛନ୍ତି । ସେହିପରି “ନିର୍ଭୀକ” ୱେବ ପୋର୍ଟାଲ୍ ରେ ମଧ୍ୟ ଶ୍ରୀ ଦାସ ନିୟମିତ ଭାବେ ଗାନ୍ଧିଜୀଙ୍କ ବିଚାରଧାରା ଓ ଆଜିର ସମୟରେ ଏହାର ଆବଶ୍ୟକତାକୁ ପ୍ରତିପାଦିତ କରିବା ପାଇଁ ନିୟମିତ ଲେଖନୀ ଚାଳନା କରୁଛନ୍ତି । ଶ୍ରୀ ଦାସଙ୍କୁ ଏହି ସମ୍ବର୍ଦ୍ଧନା ମିଳିଥିବାରୁ ନିର୍ଭୀକ ପରିବାର ପକ୍ଷରୁ ତାଙ୍କୁ ମଧ୍ୟ ଅଶେଷ  ଅଶେଷ ଅଭିନନ୍ଦନ ।