ଘୋଷ ଯାତ୍ରା

ବିଜୟ କୁମାର ପାଣି, ମାହାଙ୍ଗା, କଟକ, ୧୬ ଜୁଲାଇ ୨୦୨୬

ହୋ ଡାହୁକେ ହୋ, ହୋ ଭକତେ ହୋ
ବଡ଼ଦାଣ୍ଡେ ଆଜି ଗହଳି ଲାଗିଛି
ଛୁଟୁଅଛି କେତେ ଭକତ ସୁଅ ।।
ହୋ ଭକତେ……….

ଆଗରେ ଗଲେଣି ଚାଲି ବଡଭାଇ
ପଛରେ ଆସୁଛି ହଳଦିଆ ମୁହିଁ।
ନିରାଶେ ଭକତ ରାହା ଦେଖୁଛନ୍ତି
କାଳିଆ ରାଜାର ଦେଖିବେ ମୁହଁ।।
ହୋ ଭକତେ……….

ଟାହିଆ ହଲାଇ ଆସୁଛି କାଳିଆ
ଅଣ୍ଟା ଦୋହଲାଇ ନାଚନ୍ତି ଘଣ୍ଟୁଆ।
ବଡଦାଣ୍ଡେ କେତେ ଗଡି ଯାଇଛନ୍ତି
ଭାବରେ ଭକତ ଝରାଏ ଲୁହ।।
ହୋ ଭକତେ……….

ଯାଉଛୁ ତୁ ତୋର ମାଉସୀର ଘର
ଜଗତେ ଦେଖନ୍ତି ଲୀଳା ଯେ ତୋହର।
ନେଇଯା ତୁ ଥରେ ମୋତେ ତୋ ସାଥେ
ମାନବ ଜନମ ଆଉ ନ ଦିଅ।।
ହୋ ଭକତେ……….

ସଂସାର ମୋହରେ ହେଉଛି ମୁଁ ଘାଣ୍ଟି
କାଳ କବଳରେ ହୁଏ ଛାଟିପିଟି।
ଭରଷା କରିଛି ଭକତ ବାନ୍ଧବ
ମାୟା ବନ୍ଧନରୁ ଫିଟାଇ ଦିଅ।।
ହୋ ଭକତେ……….