ଦେବେନ୍ଦ୍ର କୁମାର ସାହୁ, ନିଶ୍ଚିନ୍ତକୋଇଲି, ୧ ଅପ୍ରେଲ ୨୦୨୬
ମୋ ରାଇଜ ସନ୍ଥ ମାଟି ମା ଠାରୁ
ଶିଖିଅଛି ବିଶ୍ୱ ପ୍ରେମ
ନିଜ ଜୀବନକୁ ନରକେ ପକାଇ
କରେ ବିଶ୍ୱ ହିତ କର୍ମ।
ମୋ ମାଟି କଳିଙ୍ଗ ବୀର ପୁତ୍ର ମାନେ
ବୀର ପରିଭାଷା ଶିଖାଇଲେ
ହୃଦୟ ଜିତିବା ପ୍ରକୃତ ବିଜୟ
ଯୁଦ୍ଧେ ମରି ଦେଖାଇଲେ।
ମୋ ମା ଉତ୍କଳ ଉତ୍କର୍ଷ ସବୁରେ
ଅର୍କ କ୍ଷେତ୍ର ତା’ର ନିଦର୍ଶନ
ବିଶ୍ୱ ଜନ କରେ ବିମୋହିତ ତାହା
କରେ ଯିଏ ତା’ର ସନ୍ଦର୍ଶନ।
ଏ ମାଟିର ପୁଅ ସେବାରେ ନିଆରା
ନିସ୍ଵାର୍ଥପରତା ତା’ର ଧ୍ୟେୟ
ହିନ୍ଦୁତ୍ୱର ବାର୍ତ୍ତା ଦେଇଅଛି ସିଏ
ବିଶ୍ୱ ହିତେ ରଖିବାକୁ ଲୟ।
ଏ ମାଟି ସନ୍ତାନ ମହା ସ୍ୱାଭିମାନୀ
ତାହା ଓଡ଼ିଆର ଅଳଙ୍କାର
କହିନି କଥାରେ କରିଛି କାର୍ଯ୍ୟରେ
ପୂଜ୍ୟ ହୋଇଅଛି ଏ ବିଶ୍ୱର।
ଓଡ଼ିଆ ସଂସ୍କୃତି ସାହିତ୍ୟ ଐତିହ୍ୟ
ସାରା ବିଶ୍ୱେ ପରା ଅନ୍ୟତମ
ଓଡ଼ିଆ ପଣରେ କରିବା ଗରବ
ଅତୀତ କୁ ସ୍ମରି କରିବା କର୍ମ।
ଓଡ଼ିଶା ଦିବସରେ
ହାର୍ଦ୍ଦିକ ଶୁଭେଚ୍ଛା ଓ ଅଭିନନ୍ଦନ
ବନ୍ଦେ ଉତ୍କଳ ଜନନୀ
