ଦେବେନ୍ଦ୍ର କୁମାର ସାହୁ, ୨୧ ଅଗଷ୍ଟ ୨୦୨୨
କୃଷ୍ଣ ନାମ ଗୋଟି ପବିତ୍ର ପାବନ
କୃଷ୍ଣ ନାମ ଗୋଟି ମଧୁର
କୃଷ୍ଣ ନାମ ଧ୍ୟେୟ ସାଧୁ ସନ୍ଥଙ୍କର
କୃଷ୍ଣ ନାମ ମାଳା ଯୋଗୀର.
ସେ ନାମ ଭଜନେ ହୋଇଲେ ନିମଗ୍ନ
ଭବ ଯାତନା ରହେ ଦୂରେ
ସେହି ନାମ ଗୋଟି ମହୋଷଧି ପରି
ତପ୍ତ ମନକୁ ଶାନ୍ତ କରେ.
—————————————
କୃଷ୍ଣତ ନୁହଁନ୍ତି ଅବତାର ଖାଲି
କୃଷ୍ଣ ଵି ଏକ ଆନ୍ଦୋଳନ
ମାନବିକ ଧର୍ମ ପ୍ରତିଷ୍ଠା ପାଇଁକି
ମହାନ ତାଙ୍କ ଅଭିଯାନ.
ସମାଜ ସଂସ୍କାର ଥିଲା ତାଙ୍କ ବାର୍ତ୍ତା
ଥିଲାଵି ତାଙ୍କର ଉଦ୍ୟମ
ପରିବେଶ ହେବ ସୁସ୍ଥ ପରିଷ୍କାର
କହି କରୁଥିଲେ ସେ କର୍ମ
——————————————-
ଜୀବନ ର ଦ୍ୱନ୍ଦ୍ୱ ସମାଧାନ ପାଇଁ
କହିଲେ ସେ ଗୀତା ଶ୍ରୀମୁଖେ
ଜୀବନ ଯାତ୍ରାରେ ପ୍ରାସଙ୍ଗିକ ଗୀତା
ମାର୍ଗ ବତାଏ ସୁଖେ ଦୁଃଖେ.
——————————————–
କୃଷ୍ଣଙ୍କୁ ଭଜିଲେ କୃଷ୍ଣଙ୍କୁ ପୂଜିଲେ
ମିଳି ଯାଏ ଆତ୍ମ ପ୍ରଶାନ୍ତି
ତାଙ୍କ ଦେଖା ମାର୍ଗେ ଚଳି କଲେ କର୍ମ
କୃଷ୍ଣଙ୍କ ପ୍ରତି ତାହା ଭକ୍ତି.
**********************
ପବିତ୍ର କୃଷ୍ଣ ଜନ୍ମ ଅବସରରେ କୃଷ୍ଣ ଙ୍କ ପ୍ରତି
ସଭକ୍ତି ପ୍ରଣତି. ସମସ୍ତ ଙ୍କୁ ଏହି ପାବନ ତିଥିରେ
ଶୁଭେଚ୍ଛା. ବିଶ୍ୱରେ ଶାନ୍ତି ପ୍ରତିଷ୍ଠା ହେଉ. ଶ୍ରୀକୃଷ୍ଣ
ନିଜ ସୃଷ୍ଟିକୁ ନିଜେ ରକ୍ଷା କରନ୍ତୁ. ଭାଇଚାରା ସଂପ୍ରୀତିର
ଜୟ ହେଉ.
ଜୟ ଶ୍ରୀବାଳଗୋପାଳ
ସହସ୍ର ସହସ୍ର ବାର ତୁମକୁ ସାଷ୍ଟାଙ୍ଗ ପ୍ରଣିପାତ କରୁଅଛି
“ଦେବେନ୍ଦ୍ର କୁମାର ସାହୁ”
