ଦେବେନ୍ଦ୍ର କୁମାର ସାହୁ, ୯ ଅକ୍ଟୋବର ୨୦୨୨
“ମିଶୁ ମୋର ଦେହ ଏ ଦେଶ ମାଟିରେ
ଦେଶ ବାସୀ ଚାଲିଯା’ନ୍ତୁ ପିଠିରେ”—-
ଦେଶ ପ୍ରେମର ଏକ ଅବିକଳ୍ପ ଅଭିବ୍ୟକ୍ତି
ଦେଲେ ଯିଏ ସିଏ ଆମ ରାଇଜ ମଣି
କରେ ମୁଁ ପ୍ରଣାମ ତାଙ୍କୁ ହୃଦୟରୁ ଦେଇ ଭକ୍ତି.
“ନିଜ ହିତ ଲାଗି ଜାତ ନୁହେଁ ହିନ୍ଦୁ
ବିଶ୍ୱ ହିତେ ତା’ର ପ୍ରତି ରକ୍ତ ବିନ୍ଦୁ”
ହିନ୍ଦୁ ର ମହତ୍ତ୍ୱ ବୁଝି ଥିଲେ ସିଏ ତନ୍ନ ତନ୍ନ
ବିଶ୍ୱ ଭାତୃତ୍ୱ ର ବାର୍ତ୍ତା ଦିଏ ହିନ୍ଦୁତ୍ତ୍ୱ
କହିଲେ ଯିଏ ସେ ବଡ଼ବଡୁଆ ପୂଜ୍ୟ ମହାନ.
“ଉତ୍କଳେ ନେତାର ନାହିଁ ପ୍ରୟୋଜନ
ଉତ୍କଳର ନେତା ନିଜେ ନାରାୟଣ”
ଜଗନ୍ନାଥ ଆମ ସର୍ବସ୍ବ ବୋଲିକି କହିଦେଲେ
ନେତା କି ଜନତା ସଭିଏଁ ସମାନ
ଗୋପବନ୍ଧୁ ନିଜ ହୃଦ ପ୍ରାଣ ସବୁ ସମର୍ପିଲେ.
