ବ୍ୟୁରୋ ରିପୋର୍ଟ, ନିର୍ଭୀକ, ମାହାଙ୍ଗା, ୭ ଅପ୍ରେଲ ୨୦୨୫
ମନ୍ଦିର ମାଳିନୀ ମାହାଙ୍ଗା ଅଞ୍ଚଳ ଶ୍ରୀରାମ ନବମୀ ଏବଂ ବାସନ୍ତୀ ଦୁର୍ଗା ପୂଜା ଉପଲକ୍ଷେ ହୋଇଛି ଉତ୍ସବ ମୁଖର । ଏହି ଅବସର ରେ ବିଭିନ୍ନ ମନ୍ଦିର ଏବଂ ଦେବୀ ଦୁର୍ଗାପୂଜା ମଣ୍ଡପ ପରିଦର୍ଶନ କରିଛନ୍ତି ପୂର୍ବତନ ଆୟକର କମିଶନର ତଥା ସମାଜ ସେବୀ ଶ୍ରୀ ଶୋଭନ କର । ଅନ୍ୟ ମାନଙ୍କ ମଧ୍ୟରେ ନିର୍ଭୀକ ପତ୍ରିକାର ସମ୍ପାଦକ ଅବନୀ ଚନ୍ଦ୍ର ଦାସ, ସମାଜ ସେବୀ ରାମ ଚନ୍ଦ୍ର ମହାପାତ୍ର, ଶୁଭେନ୍ଦୁ କୁମାର ସାମଲ, ଦିଲ୍ଲୀପ କୁମାର ମହାନ୍ତି, କାର୍ତ୍ତିକ ଚନ୍ଦ୍ର ବିହାରୀ, ହୃଷୀକେଶ ବେହେରା, ରାଜ କୁମାର ବେହେରା, ବିଜୟ କୁମାର ନନ୍ଦ, ସନ୍ଦୀପ ସାମଲ, ଅକ୍ଷୟ ସାହୁ, ହିମାଂଶୁ ପଣ୍ଡା ଜିଆଉଲ୍ ହକ, ପ୍ରକାଶ ମହାରଣା ପ୍ରମୁଖ ଶ୍ରୀ କରଙ୍କ ସହିତ ଉପସ୍ଥିତ ଥିଲେ । ବାସୁଦେବପୁର ଶ୍ରୀରାମ ମନ୍ଦିର, ଚାୟାଁପାଳ ସ୍ଥିତ ବାସନ୍ତୀ ଦୁର୍ଗା ମଣ୍ଡପ, ମାହାଙ୍ଗା ସାଇ ପ୍ରଶାନ୍ତି ମନ୍ଦିର, ମଣିଯୋରୀ ହନୁମାନ ପୀଠ, ଗୋକନ ଏବଂ ପୋଡ଼ାମରାଇ ପଞ୍ଚାୟତର ବାସନ୍ତୀ ଦୁର୍ଗା ମଣ୍ଡପ, ଅସୁରେଶ୍ଵର ସ୍ଥିତ ରଘୁନାଥ ଜିଉ ମନ୍ଦିର , ଦଧିବାମନ ଜୀଉ ମନ୍ଦିର ଏବଂ ଘଣ୍ଟାଳୋ ସ୍ଥିତ ଶ୍ରୀରାମ ମନ୍ଦିର ଆଦି ସ୍ଥାନରେ ପୂଜା ଅର୍ଚ୍ଚନା ହୋଇଥିଲା ବେଳେ ସେସବୁ ମନ୍ଦିର ପରିଚାଳନା କମିଟି, ପୂଜା କମିଟି ଏବଂ ସ୍ଥାନୀୟ ଜନସାଧାରଣଙ୍କ ପକ୍ଷରୁ ଶ୍ରୀ କରଙ୍କୁ ଭବ୍ୟ ସ୍ବାଗତ କରାଯାଇଥିବା ଦେଖିବାକୁ ମିଳିଥିଲା ।
