ଦେବେନ୍ଦ୍ର କୁମାର ସାହୁ, ନିଶ୍ଚିନ୍ତକୋଇଲି, ୧୬ ଜୁଲାଇ ୨୦୨୬
ତୁମ ରଥ ଯାତ୍ରା ଧରମ ଭିତରେ
ସୀମିତ ନୁହଁଇ ନାଥ
ସବୁ ମତ ପଥ ମାନୁଥିବା ଜନ
ରଥ ଦରଶନେ ତୃପ୍ତl
ଆଷାଢ଼ ମାସରେ ବାମନ ରୂପରେ
ତୁମେ ପ୍ରଭୁ ଆରାଧିତ
ତୁମକୁ ସେ ରୂପେ ଦେଖି ରଥେ ଭକ୍ତ
ପରମ ଆନନ୍ଦ ପ୍ରାପ୍ତl
ତୁମ ରଥ ଏହି ଜାତିର ସଂସ୍କୃତି
ଜାତି ପ୍ରଥା ପରମ୍ପରା
ନନ୍ଦିଘୋଷ ରଥ ବଡଦାଣ୍ଡେ ଉଭା
ସଭିଙ୍କ ହୃଦୟ ହରାl
ଶ୍ରୀଦାଣ୍ଡରେ ଭକ୍ତ ଭାବ ଭକତି ରେ
ଟାଣି ଟାଣି ନିଏ ରଥ
ବିଶ୍ୱାସ ରହିଛି ଭକ୍ତ ହୃଦୟରେ
ନିଶ୍ଚେ ହେବବିଶ୍ୱ ହିତl
ତୁମ ଘୋଷ ଯାତ୍ରା ଦେଖାଇ ଦେଇଛି
ତୁମେ ବ୍ରହ୍ମାଣ୍ଡ କରତା
ତୁମେ ବନ୍ଧା ନୁହଁ ଧର୍ମାନ୍ଧତାରେ
ତୁମେ ସଭିଙ୍କର ଧାତାl
ଯେତେ ମତ ପଥ ସୃଷ୍ଟି କରୁ ନର
ତୁମେ ମତ ପ୍ରବର୍ତ୍ତକ
ତୁମେ ବିଦ୍ୟମାନ ନର ହୃଦୟରେ
ତୁମେ ହିଁ ଜ୍ଞାନ ବିବେକl
