ସନ୍ଧ୍ୟା ତୁମେ ଆଜି

ସସ୍ମିତା ପଣ୍ଡା, କଟିକଟା, କଟକ, ୧୧ ସେପ୍ଟେମ୍ବର ୨୦୨୬

ସନ୍ଧ୍ୟା ତୁମେ ଆଜି ଭୋଦୁଅ ତିଥିରେ
ଜହ୍ନିଫୁଲ ରଙ୍ଗମାଖି
ଶ୍ରାବଣ ସ୍ମୃତିରେ ମିଠା ନିଃସଙ୍ଗତା
ପାଦପଲତାର ସାକ୍ଷୀ ।।

ନୀଳ କଦମ୍ବର ମଉଳା ମନରେ
ପହିଲି ଶରତ ରାସ ।
ଆଷାଢ଼ ପଖଳା ଚାରୁଚିତ୍ରାଙ୍କନେ
ଝାପ୍ସା ଦିଶେ ତୁମ ହସ ।।

ବାଟବଣା ପକ୍ଷୀ ତନୁମନେ ଆଜି
କେଉଁ ଇସ୍ତାହାର ଲେଖି
ଛପି ଛପି ଆସ ଗୋଧୂଳି ଆଭାରେ
ପୂର୍ବ ଅନୁରାଗ ମାଖି ।।

ପବିତ୍ର ପ୍ରୀତିର ପ୍ରୀତିଲତା ତୁମେ
ପ୍ରଦୋଷର ବନ୍ଦାପନା
ଦରଦୀ ହୃଦୟେ କଅଁଳ ସୁରଭି
କରିଦିଏ ଆନମନା ।।

କେଉଁ ଶୀତଳତା ଗହଣା ନାଇଛ
ତୋଫାପଣ ଉଠେ ଭାଷି
ରେଶମୀ ରାତିରେ ଭିଜିଯାଅ କିଆଁ
କେଉଁ ନଦୀତୀରେ ବସି ।।

ନୀରବ ଓଠରୁ ପଦିଏ କଥାରେ
ଆଶାର ଝଲକ ଦେଇ ।
ଝରିଯାଅ ପୁଣି ରାତି ପଣତରେ
କେଉଁ ଭରସାକୁ ନେଇ ।।