ଅନୁପମା ରାଉତ, ଅନୁଗୁଳ, ୧୭ ଫେବୃଆରୀ ୨୦୨୩
ଆମେ ତଥାପି ପୁଅଟେ ଖୋଜୁଛୁ…..
ଝିଅ ଯଦି ଆଗ ହେଇଗଲା ତେବେ ସାତ ମନ୍ଦିର ରେ ପୂଜୁଛୁ
ପୁଅଟିଏ ପାଇଁ କେତେ ମାନସିକ ଠାକୁରଙ୍କୁ ଲାଞ୍ଚ ଦେଉଛୁ
ବ୍ରତ ଉପବାସ ରାତି ଉଜାଗର ମାଆ କୁ କୁହେଇ କରୁଛୁ
ଆମେ ତଥାପି ପୁଅଟେ ଖୋଜୁଛୁ…..
ଗାଁ ଦେବତୀ ଙ୍କୁ ଛେଳି ଗଂଜା ଭୋଗ ଅନ୍ନ ଦାନ କରି ବାଣ୍ଟୁଛୁ
ପୁଅ ଟିଏ ପାଇଁ ମାଆ କୁ ଆମେ ଯେତେ କିଲିବିଲି କରୁଛୁ
ପୁଅ ବିନା ଆମ ଗତି ମୁକ୍ତି ନାହିଁ ନିତି ଗଣା ପୋଛା କରୁଛୁ
ଆମେ ତଥାପି ପୁଅଟେ ଖୋଜୁଛୁ…..
ଝିଅ ହେବ ଯଦି ଡାକ୍ତର କହିଲା କନ୍ୟା ଭ୍ରୁଣ ଟିକୁ ମାରୁଛୁ
ଗୋଟେ ପୁଅ ପାଇଁ ମାଆ ଶରୀର କୁ କେତେ ନିର୍ଯାତନା ଦେଉଛୁ
ବାରମ୍ବାର ଗର୍ଭପାତ କଷ୍ଟ ସହି ପୁଅ ଜନ୍ମ କର କହୁଛୁ
ଆମେ ତଥାପି ପୁଅଟେ ଖୋଜୁଛୁ…..
ଜାଣିଛେ ସମସ୍ତେ ପୁଅ ପଚାରୁନି ବୃଦ୍ଧାଶ୍ରମେ ଯାଇ ରହୁଛୁ
ଜମି ବାଡ଼ି ଟଙ୍କା ନଦେଲେ ପୁଅକୁ କେତେ ମାଡ଼ ଗାଳି ଖାଉଛୁ
ମାଡ଼ ଦେଉ ପୁଅ ଖାଇବା ନଦେଉ ବଂଶ ରକ୍ଷା କଥା ଭାବୁଛୁ
ପୁଅଟେ ନହେଲେ କୁଳ ବୁଡ଼ିଯିବ ଏ କଥା ବିଶ୍ୱାସ ରଖିଛୁ
ଆମେ ତଥାପି ପୁଅଟେ ଖୋଜୁଛୁ…..
ବଡ଼ ହେଲେ ପୁଅ ମଦ ବ୍ୟଭିଚାରେ କେତେ ଅପନିନ୍ଦା ଶୁଣୁଛୁ
ଜେଲ ଯାଉଛି ଫାଶୀ ବି ପାଉଛି ମରି ମରି ନିତି ବଞ୍ଚୁଛୁ
ପୁଅ ପୁଅ ନିଶା ଘାରିଛି ଆମକୁ ଝିଅ ଅଣଦେଖା କରୁଛୁ
ସବୁକାମେ ଝିଅ ଆଗକୁ ଗଲେଣି ସେ କଥା ଭଲରେ ବୁଝୁଛୁ
ଆମେ ତଥାପି ପୁଅଟେ ଖୋଜୁଛୁ…..
ଆମେ ତଥାପି ପୁଅଟେ ଖୋଜୁଛୁ…..
ଆମେ ତଥାପି ପୁଅଟେ ଖୋଜୁଛୁ…..
