ଶୁଭ ନାରାୟଣ ସ୍ବାଇଁ, କୋରାପୁଟ, ୨୫ ଡିସେମ୍ବର ୨୦୨୨
କାଲି ରାତିରେ ଶୋଇବା ପୂର୍ବରୁ
ତୁମେ କ’ଣ ଭାବିଥିଲ
ସେକଥା ତୁମେ ଜାଣ
ମୁଁ କ’ଣ ଭାବିଥିଲି
ସେକଥା ମୁଁ ଜାଣେ ।
ଛାଡ଼ କାଲିର କଥା
ଆଜିର କଥା ଚିନ୍ତା କର
ଆଜି ବଡ଼ ଦିନ,
ଅନ୍ତତଃ ଆଜି ମୋ ସହିତ ତୁମେବି
ନିଜ ପାଇଁ ନୁହେଁ
ଅନ୍ୟ ପାଇଁ ଘଡ଼ିଏ ପ୍ରାର୍ଥନା କର ।।
ସାନ୍ତାକ୍ଲୁଜ୍ କିଏ
ତାଙ୍କୁ ନା ଦେଖିଛ ତୁମେ
ନା ଦେଖିଛି ମୁଁ
ତଥାପି ଚାଲ
ଅନ୍ତତଃ ଆଜି ଦିନକ ପାଇଁ
ଆମେ ପାଲଟିଯିବା ସାନ୍ତାକ୍ଲୁଜ୍
ଲାହୋର୍ ଓ ପେଶାବାର୍ ର
ଘାତକ ମାନଙ୍କୁ ବୁଝାଇ ଦେବା
ଶାନ୍ତି, ପ୍ରୀତି ଓ ମୈତ୍ରୀର ଅର୍ଥ,
ସେମାନଙ୍କୁ ପଚାରି ବୁଝିବା
ଯେଉଁ ପିଲା ମାନଙ୍କୁ
ବଣ୍ଟା ଯାଇ ପାରିଥାନ୍ତା ଟଫି
ଜେହାଦ୍ ର କେଉଁ ଧାରାରେ
ତୁମର ବନ୍ଧୁକ ଚିରିଦେଲା
ସେହି ମାନଙ୍କର ଛାତି ।।
ମୁଁ ପିନ୍ଧି ସାରିଲିଣି ଯୋତା
ତୁମେବି ପିନ୍ଧି ଦିଅ
ଆସ, ଆଜି ନିଜ ପାଇଁ ନୁହେଁ
ଅନ୍ୟ ମାନଙ୍କ ପାଇଁ
ଟିକିଏ ସମୟ କାଢ଼ିବା
ବାଗଦାଦ୍ ହେଉ କି ଇସ୍ରାଏଲ୍
ଇସଲମାବାଦ୍ ହେଉ କି ଶ୍ରୀନଗର୍,
ସବୁଠି ଆମେ ବୁଲିବା
ଟିକିଏ ଶାନ୍ତି ପାଇଁ ସାନ୍ତାକ୍ଲୁଜ୍ ପାଲଟି
ପ୍ରୀତିର ଉପହାର ବାଣ୍ଟିବା ।।
