ପ୍ରଭୁକଲ୍ୟାଣ ମହାପାତ୍ର, ଭୁବନେଶ୍ୱର, ୧୭ ନଭେମ୍ବର, ୨୦୨୬
ବାତ୍ୟା କରିଦେବ ସବୁ ଛାରଖାର
ତାହା ତାଣ୍ଡବ ରଚିବ ଭୟଙ୍କର
କ୍ଷୟକ୍ଷତି ଘଟାଇବ ଜୋରଦାର
ଧନ ଜୀବନ ହୋଇବ ହାହାକାର
ଏହା ପ୍ରଚାର ହେଉଛି ନିରନ୍ତର ।।୧।।
ଏଠି ବାତ୍ୟା ହୋଇଥାଏ ଲଗାତାର
ତା’ର ସାମ୍ନା ପାଇଁ ଲୋକେ ଧୁରନ୍ଧର
ବାତ୍ୟା ପ୍ରକୋପକୁ କିଆଁ ଏତେ ଡର
ଛାନିଆ କରୁଛି କାହିଁକି ସର୍କାର
କିଛି ଉଦ୍ଦେଶ୍ୟ ଅଛି କି ମାନ୍ୟବର? ।।୨।।
ପ୍ରାକୃତିକ ବିପର୍ଯ୍ୟୟର ଖବର
ତାହା ପ୍ରଚାର ହୁଏରେ ଜୋରଦାର
ଖର୍ଚ୍ଚ ସମୀକ୍ଷା କରେନି ଅଡ଼ିଟର
ପକେଟ ଗରମ ହୁଏ ସଭିଙ୍କର
ସେଥିପାଇଁ ପରା ସବୁ ତରତର ।।୩।।
ବାତ୍ୟା ଲାଗି ସଭିଏଁରେ ହରବର
କ୍ଷତି ଘଟୁ କି ନଘଟୁ ସବୁଥର
ଲୋକେ ହେଉଥାନ୍ତି ଖାଲି ସ୍ଥାନାନ୍ତର
ଶାସକ ଟଙ୍କା ଖର୍ଚ୍ଚ ଲାଗି ତତ୍ପର
ସବୁ ହିସାବ ନିକାଶ ବରାବର ।।୪।।






