ଚାଲ ମିଶିକି ସାବିତ୍ରୀ କରିବା

ଅନୁପମା ରାଉତ, ଅନୁଗୁଳ, ୧୯ ମଇ ୨୦୨୩

ଚାଲ ମିଶିକି ସାବିତ୍ରୀ କରିବା
ତୁମ ପାଇଁ ମୁଁ ମୋ ପାଇଁ ତୁମେ
ଦୀର୍ଘାୟୁ କାମନା କରିବା
ଫଳ ମୂଳ ଭୋଗ ମନ୍ଦିରକୁ
ନେଇ ମିଳିମିଶି ପୂଜା କରିବା

ତୁମେ ଆଉ ମୁଁ ଜୀବନର ସାଥୀ
ଗୋଟିଏ ନାଆରେ ବସିବା
ଦୁଃଖରେ ସୁଖରେ ଭଲ ରେ ମନ୍ଦରେ
ଦୁହେଁ ମିଳିମିଶି ଚାଲିବା

ସାବିତ୍ରୀ ବ୍ରତ ରେ ପୁରୁଷ ମହିଳା
ସମାନତା କଥା କହିବା
ଦୁଇଟି ଜୀବନ ଗୋଟିଏ ଲକ୍ଷ୍ୟ ରେ
ସୁଖୀ ପରିବାର ଗଢିବା

ପୁରୁଣା ପ୍ରଥା ବଦଳେଇବା
ନୂଆ କାମ ମିଶି କରିବା
ସ୍ୱାମୀ ପାଇଁ ସ୍ତ୍ରୀ, ସ୍ତ୍ରୀ ପାଇଁ ସ୍ୱାମୀ
ମଙ୍ଗଳର ବାଟ ଖୋଜିବା

ସାବିତ୍ରୀ ଆଉ ସତ୍ୟବାନଙ୍କର
ଗାଥାରେ ଏ କଥା ଯୋଡିବା
ପୁରୁଣା ପ୍ରଥାତ ବଦଳି ଚାଲିଛି
ନୂଆ କିଛି ଟିକେ ଯୋଡିବା

ଫଳମୂଳ ଶାଢ଼ୀ ସ୍ନେହର ପ୍ରତୀକ
ଶିବ ପାର୍ବତୀ ଙ୍କୁ ଅର୍ପିବା
ସ୍ୱାମୀ ସ୍ତ୍ରୀ ଙ୍କ ର ସ୍ନେହ ଓ ବିଶ୍ୱାସ
ଆଉ ଟିକେ ଦୃଢ଼ କରିବା

ଚାଲ ଆଜିଠୁ ଆରମ୍ଭ କରିବା
ଘର କାମରେ ତ ସହଯୋଗ କର
ଏବ୍ରତ ମିଶିକି କରିବା
ସବୁଠି ସମାନ ଭାଗିଦାରୀ ରହି
ସୁଖରେ ଜୀବନ କାଟିବା