ଅନୁପମା ରାଉତ, ଅନୁଗୁଳ, ୧୫ ଅଗଷ୍ଟ ୨୦୨୩
ଭାରତ ମାତା ର ତ୍ରିରଙ୍ଗା ପତାକା
ଗାଏ ସ୍ୱାଧୀନତା କଥା
ସେଇ ସ୍ୱାଧୀନତା ହଜି ଯାଏ ଦେଶେ
ଦେଖି ମଣିପୁର ହିଂସା
ଘରେ ଘରେ ଯେବେ ଉଡ଼େ ପତାକା
ତ୍ରିରଙ୍ଗା କି ଆଜି ଖୋଜୁଛି ସେଠି
ମହିଳା ହିଂସା ର ଭାଷା
ଖୋଜୁଛି କି ଅତ୍ୟାଚାରୀ ଆସାମୀକୁ
ଲୁଟୁଛନ୍ତି ମହିଳା ର ଅଧିକାର ସ୍ୱାଧୀନତା
ଖୋଜୁଛି କି ସେ ସେଇ ମହିଳାଙ୍କୁ
ଶୁଣୁଛି କି ତାଙ୍କ ମୁହଁରୁ ଲଜ୍ୟା ବରବରତା
ଶୁଣୁଛି କି ସ୍ୱାଧୀନତା ପାଇଁ
ନାରୀ ନେତ୍ରୀ ଙ୍କ ଲଢେଇ
ଆଉ ଭାରତ ଛାଡ଼ ଗାଥା
ଇତିହାସ ଆଜି ଚୁପ ରହିଛି
ଭିଜେ ତ୍ରିରଙ୍ଗା ପତାକା
ଆଜି ର ଶାସନ ବ୍ରିଟିଶ ଶାସନ
ଉନିଶ ବିଶ କଥା
ପାଟି ଖୋଲିବାକୁ ସାହସ
ଅଣ୍ଟୁନି, ଏଇ ଆମ ସ୍ୱାଧୀନତା
ସମାନତା କଥା ସମ୍ଭିଧାନେ ଲେଖା
ଆଇନ କାନୁନ ଭାଷା
ଏତେ ସବୁ ଥାଇ ସ୍ୱାଧୀନ ମୁଁ ଆଜି
କହିବାକୁ ଲାଗେ କୁଣ୍ଠା
ମନେ ପଡ଼େ କେତେ ଏକଛତ୍ରବାଦ
ଶାସକ ଙ୍କର କ୍ରୁରତା
ଗଣତନ୍ତ୍ର ରେ ବିଶ୍ୱାସ ଆମ
ଆଇନ ରେ ସମାନତା
କାହିଁକି ତଥାପି ଏବେବି ମହିଳା
ଭୋଗୁଛି ଏ ବର୍ବରତା
ଆମେ ଭାରତମାତା ର ସନ୍ତାନ ସବୁ
ଭାରତ ଆମର ମାତା
ସେଇ ମାଆ ଆଗେ ଆମ ସ୍ୱାଧୀନତା
ନୁଆଇଁ ଦିଏ ତା ମଥା
