ନିର୍ଭୀକ ବ୍ୟୁରୋ, କଟକ, ୫ ମଇ ୨୦୨୫
ଶରତ କର ଓ ଅନିମା କର ଫାଉଣ୍ଡେସନ ଭୁବନେଶ୍ୱର ପକ୍ଷରୁ ସଦ୍ୟ ପ୍ରକାଶିତ ଅଧ୍ୟାପକ ପ୍ରଭାତ କୁମାର କରଙ୍କ ପୁସ୍ତକ “ଦଦରା ନାଆ ର ବୁଢ଼ା ନାଉରି ” କଟକ ସ୍ଥିତ ଶ୍ରୀରାମ ଚନ୍ଦ୍ର ଭବନ ସଭା ଗୃହରେ ବହୁ ବିଶିଷ୍ଟ ଅତିଥି ମାନଙ୍କ ଦ୍ଵାରା ଉନ୍ମୋଚିତ ହୋଇ ଯାଇଛି। ପ୍ରାରମ୍ଭରେ ଶ୍ରୀ ଜଗନ୍ନାଥଙ୍କ ଫଟୋଚିତ୍ର ରେ ପୁଷ୍ପର୍ଘ୍ଯ ସହିତ ପ୍ରଦୀପ ପ୍ରଜ୍ଜ୍ୱଳନ ପୂର୍ବକ ଏହି ଭବ୍ୟ ସମାରୋହକୁ ଅତିଥି ମାନେ ଉଦ୍ଘାଟନ କରିଥିଲେ । ପରେ ପରେ ରାଜ୍ୟ ସଙ୍ଗୀତ ବନ୍ଦେ ଉତ୍କଳ ଜନନୀ ପରିବେଷଣ କରାଯାଇଥିଲା ।
ଡାକ୍ତର ରବି ରଞ୍ଜନ ସାହୁଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଉକ୍ତ ଉତ୍ସବରେ ମୁଖ୍ୟଅତିଥି ଭାବେ ପ୍ରାକ୍ତନ ଅଧ୍ୟାପକ ଡଃ ମହେଶ୍ୱର ମହାନ୍ତି ଯୋଗଦେଇ ପୁସ୍ତକର ରଚୟିତା ଶ୍ରୀ ପ୍ରଭାତ କୁମାର କରଙ୍କ ଲେଖନୀର ସ୍ୱତନ୍ତ୍ରତା ସମ୍ପର୍କରେ ଆଲୋକପାତ କରିଥିଲେ । ମୁଖ୍ୟବକ୍ତା ଡାକ୍ତର ଶୈଳେଶ୍ୱର ନନ୍ଦ, ସମ୍ମାନିତ ଅତିଥି ପ୍ରଭାତ କୁମାର ନନ୍ଦ, ପ୍ରାକ୍ତନ ବିଧାୟକ ମହମ୍ମଦ ମୋକିମ୍ ପ୍ରମୁଖ ପ୍ରଭାତ କୁମାର କରଙ୍କ ପୁସ୍ତକ ରେ ସାହିତ୍ୟର ବିଭିନ୍ନ ବିଭାବ ଭରି ରହିଛି ବୋଲି ଉଲ୍ଲେଖ କରିଥିଲେ ।
ପ୍ରାକ୍ତନ ପ୍ରଶାସକ ଶ୍ରୀ ଅଶୋକ କୁମାର ଦାଶ ସ୍ବାଗତ ଭାଷଣ ସହ ଅତିଥି ପରିଚୟ ପ୍ରଦାନ କରିଥିବା ବେଳେ ଶରତ କର ଓ ଅନିମା କର ଫାଉଣ୍ଡେସନ ପକ୍ଷରୁ ନିର୍ଭୀକ ପତ୍ରିକାର ସମ୍ପାଦକ ଅବନୀ ଚନ୍ଦ୍ର ଦାସ ଧନ୍ୟବାଦ୍ ପ୍ରସ୍ତାବ ବାଢ଼ିଥିଲେ।
ଅନ୍ୟମାନଙ୍କ ମଧ୍ୟରେ ବିଶିଷ୍ଟ କବି ଇଂ. ସୁଶାନ୍ତ କୁମାର ବଳ, ଡାକ୍ତର ଅଂଶୁମାନ କର, ଶ୍ରୀମତୀ ସାଗରିକା ପ୍ରହରାଜ ଉନ୍ମୋଚିତ ପୁସ୍ତକର ଆଲେଖ୍ୟ ଓ ଏହାର ଲେଖକ ଙ୍କ ଅନବଦ୍ୟ କୃତିତ୍ୱ ସମ୍ପର୍କରେ ବକ୍ତବ୍ୟ ରଖିଥିଲେ ।
ପ୍ରଦୀପ କୁମାର କର, ଅଧ୍ୟାପକ ବିଜୟ ଆଚାର୍ଯ୍ୟ,ସିପ୍ରା କର ଓ ଡକ୍ଟର ଅଭୟ ଦାସ ପ୍ରମୁଖ ଉତ୍ସବ ପରିଚାଳନାରେ ସହଯୋଗିତା କରିଥିଲେ ।
