ବ୍ୟୁରୋ ରିପୋର୍ଟ, ନିର୍ଭୀକ, ୨୩ ମଇ ୨୦୨୬
ଶରତ କର ଓ ଅନିମା କର ଫାଉଣ୍ଡେସନ ପକ୍ଷରୁ ଗତକାଲି ୨୨ ତାରିଖ ଶୁକ୍ରବାର ପୂର୍ବାହ୍ନ ୯ ଘଟିକରେ ମାହାଙ୍ଗା ଅଞ୍ଚଳର ନୃତଙ୍ଗ ଗ୍ରାମରେ ଜନ୍ମ ଗ୍ରହଣ କରିଥିବା ବିଶିଷ୍ଟ କବି ଧନେଶ୍ଵର ପାଣିଙ୍କ ୨୮ ତମ ଶ୍ରାଦ୍ଧ ବାର୍ଷିକୀ ପାଳିତ ହୋଇଯାଇଛି। ମୂଳବସନ୍ତ ପଞ୍ଚାୟତ ଅଧିନସ୍ଥ ଗୁଣୁପୁର ସ୍ଥିତ କୃଷକ ତାଲିମ୍ କେନ୍ଦ୍ର ଠାରେ ଫାଉଣ୍ଡେସନ ତରଫରୁ ଶୁଭେନ୍ଦୁ କୁମାର ସାମଲ ଙ୍କ ତତ୍ତ୍ଵାବଧନରେ ଆୟୋଜିତ ଏହି ଶ୍ରାଦ୍ଧୋତ୍ସବ ଅବସରରେ କବି ଧନେଶ୍ଵର ପାଣିଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଏବଂ ଧୂପ, ଦୀପ ଆଦି ଅର୍ପଣ କରାଯାଇଥିଲା। ସ୍ଥାନୀୟ ବହୁ ବିଶିଷ୍ଟ ବୟସ୍କ ମୂରବୀ ମାନେ ଯୋଗ ଦେଇ କବି ଧନେଶ୍ଵର ପାଣିଙ୍କ ଜୀବନ ଓ ସାହିତ୍ୟ ଉପରେ ଆଲୋଚନା କରିବା ସହିତ ଶ୍ରଦ୍ଧା ନିବେଦନ କରିଥିଲେ।
ଅନ୍ୟ ମାନଙ୍କ ମଧ୍ୟରେ ସର୍ବଶ୍ରୀ ରୁଦ୍ର ନାରାୟଣ ସିଂହ , ରାମ ଚନ୍ଦ୍ର ମହାପାତ୍ର, ପ୍ରଶାନ୍ତ କୁମାର କର, ଡମ୍ବରୁଧର ପରିଡ଼ା, ସୁନ୍ଦର ରାମ ସାହୁ, ସମଶେର ଅଲ୍ଲୀ,କାର୍ତ୍ତିକ ଚନ୍ଦ୍ର ବିହାରୀ,କମଳା କାନ୍ତ ଦାସ, ଶଙ୍କର୍ଷଣ ଦାସ, ରାମ ଚନ୍ଦ୍ର ସାହୁ, ବିନୟ ପରିଡ଼ା, ରାଜ କିଶୋର ଲେଙ୍କା, ମନୋଜ କୁମାର ରାଉତ, ତ୍ରୈଲୋକ୍ୟ କୁମାର ସାହୁ ରମାକାନ୍ତ ଦାସ, ଜଚିନ୍ଦ୍ର ରଣା ଓ ବିଜୟ କୁମାର ରାଉତରାୟ ପ୍ରମୁଖ ଏହି ପୂଜ୍ୟପୂଜା କାର୍ଯ୍ୟକ୍ରମରେ ଯୋଗଦେଇ କବିଙ୍କ ଫଟୋଚିତ୍ର ରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
