ବ୍ୟୁରୋ ରିପୋର୍ଟ, ନିର୍ଭୀକ, ମାହାଙ୍ଗା, ୧୫ ଜାନୁୟାରୀ ୨୦୨୬
ମାହାଙ୍ଗା ନିର୍ବାଚନ ମଣ୍ଡଳୀ ଅନ୍ତର୍ଗତ ନିଶ୍ଚିନ୍ତ କୋଇଲି ବ୍ଲକ୍ ଗୋପପୁର ଗ୍ରାମରେ ପ୍ରଖ୍ୟାତ ଶିଶୁ ସାହିତ୍ୟିକ ତଥା ଗୀତିକବି କ୍ଷୀରୋଦ ଚନ୍ଦ୍ର ପୋଥାଳ ଙ୍କ ୧୫ଶ ଶ୍ରାଦ୍ଧୋତ୍ସବ ଅବସରରେ ଶରତ କର ଓ ଅନିମା କର ଫାଉଣ୍ଡେସନ ପକ୍ଷରୁ ପୂଜ୍ୟପୂଜା ପରମ୍ପରା କ୍ରମେ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି।
ଏହି ଉପଲକ୍ଷେ ଆୟୋଜିତ ଶ୍ରଦ୍ଧାଞ୍ଜଳି କାର୍ଯ୍ୟକ୍ରମରେ ଫାଉଣ୍ଡେସନ କୃଷି ଉତ୍କର୍ଷ କେନ୍ଦ୍ର ର ଅନ୍ୟତମ ସଂଯୋଜକ ତଥା ଯୁବ ସଂଗଠକ ଶୁଭେନ୍ଦୁ କୁମାର ସାମଲ ଙ୍କ ତତ୍ତ୍ଵାବଧାନରେ ଗୋପପୁର ଗ୍ରାମ ସ୍ଥିତ କବିଙ୍କ ପ୍ରତିମୂର୍ତ୍ତି ରେ ଧୂପ, ଦୀପ, ପୁଷ୍ପାର୍ଘ୍ୟ ଅର୍ପଣ କରାଯାଇଥିଲା । ବୟୋଜ୍ୟେଷ୍ଠ ମୂରବୀ ରାମଚନ୍ଦ୍ର ମହାପାତ୍ର, ଶୁଭେନ୍ଦୁ କୁମାର ସାମଲ, ଡ଼ଃ. ଏକାଦଶୀ ପ୍ରଧାନ, ସୁସଂଗଠକ ପ୍ରମୋଦ କୁମାର ଦାଶ, ସାମ୍ବାଦିକ ବିଜୟ କୁଅଁର, ସାମ୍ବାଦିକ ବିବେକାନନ୍ଦ ଦାସ, ଦେବବ୍ରତ ପଣ୍ଡା, ଓ କୁଳମଣି ସାହୁ ପ୍ରମୁଖ ଦିବଂଗତ ସାରସ୍ଵତ ପ୍ରତିଭା କ୍ଷିରୋଦ ଚଂଦ୍ର ପୋଥାଳଙ୍କ ସ୍ମୃତି ଚାରଣ କରିବା ସହିତ ତାଙ୍କ ଶିଶୁ ସାହିତ୍ୟ ଓ ଗୀତି କବିତା ରଚନାରେ ଓଡ଼ିଆ ସାହିତ୍ୟ ରୁଦ୍ଧିମନ୍ତ ହୋଇଛି ବୋଲି ମତ ବ୍ୟକ୍ତ କରିଥିଲେ । ଫାଉଣ୍ଡେସନ ଅଧ୍ୟକ୍ଷ ତଥା ସମାଜସେବୀ ଶୋଭନ କରଙ୍କ ପ୍ରତ୍ୟକ୍ଷ ପ୍ରେରଣାରେ ମାହାଙ୍ଗା ସମେତ ଓଡ଼ିଶାର ବିଭିନ୍ନ ପ୍ରାନ୍ତରେ ଏହିଭଳି ପ୍ରତିଭା ପୂଜା କାର୍ଯ୍ୟକ୍ରମ ଆୟୋଜିତ ହେଉଥିବାରୁ ତାଙ୍କୁ ସଭାରେ ଭୂୟସୀ ପ୍ରଶଂସା କରାଯାଇଥିଲା।
