ଗାଁ ଓ ସହର

ଗାଆଁରେ ରହିଛି ମନ,
ସହରେ ବିତୁଛି ଜୀବନ ।

ସେଠାରେ ପ୍ରାଣର ସ୍ପନ୍ଦନ,
ଏଠାରେ ଛଳନାର ବନ୍ଧନ ।

ସେ ମାଟିର ଆକର୍ଷଣ,
ଏ ଭୂଇଁରେ ବାଧ୍ୟ ଅବସ୍ଥାନ ।

ସେଇଠି ଅଳସ ଜୀବନ,
ଏଇଠି କର୍ତ୍ତବ୍ୟର ଆହ୍ୱାନ ।

ଗାଆଁରେ ଶୁଦ୍ଧ ମୁକ୍ତ ପବନ,
ସହରେ ଦୂଷିତ ବାତାବରଣ ।

ସେଠାରେ ମୁକ୍ତ ବିଚରଣ,
ଏଠାରେ ଅତି ସନ୍ତର୍ପଣ ।

ସେଠି ମନ୍ଦିରେ ଭଜନ କୀର୍ତ୍ତନ,
ଏଠି ସଂଧ୍ୟାରେ ଟିଭି ଗର୍ଜନ ।

ଗାଆଁରେ ପୋଥି ପୁରାଣ,
ସହରେ ବିଳାସ ବ୍ୟସନ ।

ସେଇଠି ଘଞ୍ଚ ଗିରିବନ,
ଏଇଠି କଂକ୍ରିଟ ସ୍ତୁପମାନ ।

ଗାଆଁ ଓ ସହରର ଏହି ବ୍ୟବଧାନ,
କିପରି ହେବ ତା’ର ସମାଧାନ ?