କିଛି କଥା – ୭

କିଛି କଥା ବୁଝିହୁଏ ଅତି ସହଜରେ
କିଛି କିଛି କଥା ପୁଣି ଟିକିଏ କଷ୍ଟରେ,
ଆଉ କିଛି ବୁଝାପଡ଼େ ସାମାନ୍ୟ ମାତ୍ରାରେ
ଏମିତିବି କଥା କିଛି ଅବୁଝା ରହେରେ । ।।୧।।

କିଛି କଥା ଲେଖିହୁଏ ସୀମିତ ଶବ୍ଦରେ
ଆଉ କିଛି କଥାଯାଏ ଅଳପ ବାକ୍ୟରେ,
ବେଳେବେଳେ କିଛି କଥା ଅଟକେ ଅଧାରେ
ବାକି କିଛି କଥା ରୂପ ପାଏନି ଲେଖାରେ । ।।୨।।

ଅତୀତର କଥା ଥାଏ ଇତିହାସ ବହିରେ
ଭୂଖଣ୍ଡର କଥା ଯେତେ ଭୂଗୋଳ ପୃଷ୍ଠାରେ,
କଳ୍ପନା ବିଳାସ କଥା ସାହିତ୍ୟ ମୁଣିରେ
ପ୍ରିୟା ପାଇଁ କଥା ରହେ ଗୋଲାପୀ ଚିଠିରେ । ।।୩।।