• About
  • Contact
Sunday, November 22, 2026
Sunday, November 22, 2026
The Nirvik
  • Home
  • Politics
  • Satire
  • Economy
  • Opinion
  • Video
  • Media
  • Literature
  • Guest Column
  • More
No Result
View All Result
  • Home
  • Politics
  • Satire
  • Economy
  • Opinion
  • Video
  • Media
  • Literature
  • Guest Column
  • More
No Result
View All Result
The Nirvik
No Result
View All Result
Home Literature

କବିତା

କବିତା
Share on FacebookShare on Xshare on Whatsappshare on Linkedin
ସସ୍ମିତା ପଣ୍ଡା, କଟକ, ୨୧ ମାର୍ଚ୍ଚ ୨୦୨୩

କବିତା ଯେମିତି ଅଲିଅଳୀ
ସେମିତି ଅଭିମାନୀ
ଏ ଯାଏଁ ଦାବିପତ୍ର ଲେଖିବା
ଶିଖିପାରିଲାନି ।

ସେଥିପାଇଁ ତା କପାଳରେ
ଅବସାଦ ଅବଶୋସ
କେତେ ଦୁଃଖ ଅସହାୟତା
ଲେଖା ହେଲା କେଉଁ
ଆଦିମ ଫର୍ଦ୍ଦରେ ।

କାଳେ କାଳେ ଚର୍ଚ୍ଚିତ
ଚରମ ସୀମାରେ
ହୋଇଛି ଭୂ-ଲୁଣ୍ଠିତା
ଯେବେ କହିଛି କଙ୍କାଳର
ବାସ୍ତବ ବ୍ୟଥା ।
ସେ କବିତା, ବନିତା ଲତା ନ୍ୟାୟରେ
ଇତିହାସରେ ବିକିଦେଲା ହୃଦୟ
ଭୂଗୋଳ ପୋଥିରେ ପୋତିଦେଲା
ମନର ଆବେଗ ।

ତଥାପି ସେ ଧର୍ଯ୍ୟର ଦସ୍ତାବିଜରେ
ଇସ୍ତାହାର ଲେଖେ ।
ସାଉଁଟିବ ମାଟିରୁ ଆକାଶ ।

ହଁ ସେ………….
ଭିଜାମାଟିର ବାସ୍ନାରେ ମହକେ
ଖୋଲା ପବନରେ ଡେଣା ଝାଡ଼େ
ମୁକୁଳା ମହ୍ଲାର ଆଲିଙ୍ଗନରେ
ନିଜକୁ ସଜାଡ଼ି ନିଏ
ଧାଡ଼ି ଧାଡ଼ି ଶବ୍ଦ ପୁଞ୍ଜରୁ ।
ହସେ ଆଉ ହସାଏ ।

ଜୀବନ ଜୀଇବାକୁ ଯୋଗାଡ଼େ ଇନ୍ଧନ
ଯୋଡ଼ି ଦିଏ ବନ୍ଧନ
ଜାଳିବାକୁ ନୁହେଁ ଜଳିବାକୁ
ଖୁବ୍ ଭଲପାଏ ସେ ।

ଭାବପ୍ରବଣତା ଭିତରେ ଓଦାକରେ ମନ
ନିଶବ୍ଦରେ ଶବ୍ଦ ଆଙ୍କେ
କଲମର କମକୁଟ କଳାରେ
ସଜାଏ ନିଜକୁ
କେତେ ଭଙ୍ଗାଗଢ଼ା ଗଢ଼ଣରେ ।

ମୁକୁଳି ଉଠେ ଦୁଇ ଓଠର ମଝିରେ
ଋତୁପର୍ଣ୍ଣା ହୋଇ
ମହଣେ ମୋହକୁ ଜାବୁଡ଼ି ଧରି
ଆକାଶ ତରଳା ଆକର୍ଷଣରେ
ଅଳ୍ପରେ ଅନେକ ରଙ୍ଗ ମାଖି ।

ସେ ଉଡ଼ି ପାରିବତ
ମୁକ୍ତ ବିହଙ୍ଗ ପରି
ନିଳ ଆକାଶର ନୀଳିମା ତଳେ
କୁହ ତୁମେ କୁହ……..
କିଏ ପିଇବ ତା ଅଦେଖା ଲୁହକୁ
ଶବ୍ଦ ତୂଳୀରେ ଆଙ୍କି ପାରିବ
ତା ଓଠରେ ଚିମୁଟାଏ ହସ
କୁହ ଦେଖି ପାରିବତ
ନ୍ୟାୟିକ କାଠଗଡ଼ାରେ ବାରମ୍ବାର
ବିବସନ ହେଉଥିବା ବେଳେ କବିତା….???
ଅପେକ୍ଷା କରିଥାଅ ତ!!!!

ସସ୍ମିତା ପଣ୍ଡା

ସସ୍ମିତା ପଣ୍ଡା

ବିଶିଷ୍ଟ କବି, କଟିକଟା, କଟକ, ଦୂରଭାଷ ନଂ ୯୪୩୮୮୫୬୭୮୪

Related Posts

ବାତ୍ୟା
Literature

ବାତ୍ୟା

by ପ୍ରଭୁକଲ୍ୟାଣ ମହାପାତ୍ର
November 17, 2026

ପ୍ରଭୁକଲ୍ୟାଣ ମହାପାତ୍ର, ଭୁବନେଶ୍ୱର, ୧୭ ନଭେମ୍ବର, ୨୦୨୬ ବାତ୍ୟା କରିଦେବ ସବୁ ଛାରଖାର ତାହା ତାଣ୍ଡବ ରଚିବ ଭୟଙ୍କର କ୍ଷୟକ୍ଷତି ଘଟାଇବ ଜୋରଦାର ଧନ ଜୀବନ ହୋଇବ...

Read more
ନିଷ୍ପାପ ଶିଶୁ

ନିଷ୍ପାପ ଶିଶୁ

November 14, 2026
ନଈ ପରି ପ୍ରେମ ଏକ ପ୍ରବହମାନ ଧାରା …..

ନଈ ପରି ପ୍ରେମ ଏକ ପ୍ରବହମାନ ଧାରା …..

November 13, 2026
ପୁଣ୍ୟ କାର୍ତ୍ତିକ : ହଜିଯାଉଥିବା ପରମ୍ପରା

ପୁଣ୍ୟ କାର୍ତ୍ତିକ : ହଜିଯାଉଥିବା ପରମ୍ପରା

November 11, 2026
ଛତା

ଛତା

November 10, 2026
ଆସିଛି ମରତେ ଦୀପାବଳି

ଆସିଛି ମରତେ ଦୀପାବଳି

November 8, 2026
  • About
  • Contact

© 2022 www.thenirvik.com.

No Result
View All Result
  • Home
  • Politics
  • Satire
  • Economy
  • Opinion
  • Video
  • Media
  • Literature
  • Guest Column
  • More

© 2022 www.thenirvik.com.