ଅଛି କି ନ ଅଛି ପ୍ରାରବ୍ଧ ମୋହର

ଦେବେନ୍ଦ୍ର କୁମାର ସାହୁ, ନିଶ୍ଚିନ୍ତକୋଇଲି, ୨ ଡିସେମ୍ବର ୨୦୨୨

ତୋର ଛବି ସଦା ଦେଖୁଥିବି ମୁହିଁ
ହୃଦୟେ ମୁଁ ଚାହୁଁଅଛି
ସେ ପ୍ରାରବ୍ଧ ମୋର ଅଛି କି ନ ଅଛି
ଅଜ୍ଞାତେ ମୁଁ ରହିଅଛି.
ତୋ ଅବଢ଼ା ଅନ୍ନ ଭୁଞ୍ଜୁଥିବି ନିତି
ଚାହୁଁଅଛି ମୁଁ ଅନ୍ତରେ
ସେପରି କରମ କରିଛି କି ନାହିଁ
ରହିଅଛି ମୁଁ ଦ୍ଵିଧାରେ.
ତୋର ଦେହ ଛଡ଼ା ତୁଳସୀ ପ୍ରଭୁମୁଁ
ତୁଣ୍ଡେ ମାରିବି ଶ୍ରଦ୍ଧାରେ
ଲେଖା ରହିଛି କି ନାହିଁ କପାଳରେ
ତା’ ମୋ ପାଇଁ ଅନ୍ଧାରରେ.
ଶ୍ରୀକ୍ଷେତ୍ରର ତୀର୍ଥ ଜଳରେ ସ୍ନାହାନ
କରିବାକୁ ଇଚ୍ଛା ମୋର
ତୁମର ଆଶୀଷ ଅଛି କି ନ ଅଛି
ତୁମେ ଜାଣ ହେ ଠାକୁର.