ବାପା ବିନା ଜୀବନଟା ଶୁନ୍ୟ

ଭକ୍ତ ଚରଣ ସାହୁ, ଯାଜପୁର, ୨୪ ଜୁନ୍ ୨୦୨୩

ବାପା ମୋର
ସବୁଠାରୁ ବଡ଼
ବାପା ମୋର
ସାହାସ ଓ ଶକ୍ତି ।
ବାପା ମୋର
ଆଶିଷର ପୁଞ୍ଜି
ବାପା ପାଇଁ
ହୃଦେ ମୋର ଭକ୍ତି ।।

ବାପା ମୋର
ଜୀବନର ଶ୍ରେଷ୍ଠ
ବାପା ମୋର
କୋଟି ଯୁଗ ପୂଣ୍ୟ ।
ବାପା ମୋର
ପଥ ପ୍ରଦର୍ଶକ
ବାପା ବିନା
ଜୀବନଟା ଶୂନ୍ୟ ।।

ବାପା ମୋର
ରକ୍ଷାର କବଚ
ବାପା ମୋର
ଦେବତା ଠୁଁ ବଡ଼ ।
ବାପା ମୋର
ଅନ୍ଧାରେ ଆଲୁଅ
ବାପା ପାଇଁ
ଜିଣୁଛି ମୁଁ ଗଡ଼ ।।

ବାପା ଏବେ
ନାହାନ୍ତି ମୋ ପାଖେ
ବାପା ଏବେ
ମୋ ଠୁଁ ବହୁ ଦୂରେ ।
ଜଣା ଯାଏ
ଅଛନ୍ତି ମୋ ପାଖେ
ତେଣୁ କାର୍ଯ୍ୟ
ବାହେ ସୁରୁଖୁରୁରେ ।।

ବାପା ମୋର
ଶୂନ୍ୟେ ଥାଇ ବୋଧେ
ମଥାରେ ମୋ
ରଖିଛନ୍ତି ହାତ ।
ସେଥିପାଇଁ
ସଂସାର ନୌକାରେ
ଆନନ୍ଦରେ
ମାରି ଚାଲେ କାତ ।।

ବାପାଙ୍କର
ଆଜି ପୂଣ୍ୟ ତିଥି
ଏ ତିଥିରେ
ନୁଆଇଁ ମୋ ମଥା ।
ଭକ୍ତି ଭରେ
ପ୍ରଣତି ଜଣାଏ
ଭିଜାଇ ମୋ
ଦୁଇ ଆଖି ପତା ।।

ବାପା ମୋର
ଯେଉଁଠି ଥାଆନ୍ତୁ
ତାଙ୍କ ଆତ୍ମା
ସେଠି ଶାନ୍ତି ପାଉ ।
ଜୀଇଥିବା
ଯାଏ ମୁଁ ସଂସାରେ
ଏ ମନଟା
ତାଙ୍କ ପାଖେ ଥାଉ ।।