ବାର ମାସେ ତେର ପରବ ତୋ ପାଇଁ

ବାର ମାସେ ତେର ପରବ ତୋ ପାଇଁ
ତୋ ପାଇଁ ରେ ଯାନୀ ଯାତରା
ତୋର ଖୁସି ପାଇଁ ସେ ଯାନୀ ଯାତରା
କରୁଅଛି ଏହି ଜାତି ପରା.

ସେହି ଯାନୀ ଯାତ୍ରା ଭିତରୁ ଆଜିରେ
ଅକ୍ଷୟ ତୃତୀୟା ତିଥି ସାର
ତୋ ଚନ୍ଦନ ଯାତ୍ରା ପ୍ରାରମ୍ଭର ଦିନ
ପୂତ ତିଥି ଏହି ଜାତି ଟାର.

ଅକ୍ଷୟ ତୃତୀୟା ତିଥି ପୂଣ୍ୟ ତମ
ଓଡ଼ିଆ ବିଶ୍ୱାସ କରିଥାଏ
ଚାଷ କାର୍ଯ୍ୟ ଠାରୁ ବ୍ୟବସାୟ ଯାଏ
ସବୁର ଆରମ୍ଭ କରିଦିଏ.

ଶ୍ରୀଗୁଣ୍ଡିଚା ପାଇଁ ରଥ ଅଖ କାମ
ଆରମ୍ଭ ହୁଅଇ ତୋ ଆଜ୍ଞାରେ
ଭକତି ଭାବରେ ସମର୍ପିତ ହୋଇ
ମହାରଣା ରଥ କୁ ତିଆରେ.

ରେବତୀ ବିବାହ ନୀତି ତୋ ମନ୍ଦିରେ
ସମ୍ପାଦିତ ହୁଏ ଭକତିରେ
ତୋତେ ସାକ୍ଷୀ ରଖି ଏ ଜାତି ଦାୟାଦ
ସବୁ କାର୍ଯ୍ୟ କରେ ଶରଧାରେ.

ତୋର ଅବତାର ଶ୍ରୀକୃଷ୍ଣ ଲୀଳାର
ବର୍ଣ୍ଣନା ଯେ କଲେ ସୁମଧୁରେ
କବି ଜୟଦେବ ସ୍ୱନକ୍ଷତ୍ର ଦିନେ
ଏ ଜାତି ସ୍ମରଇ ଗୌରବରେ.

ପ୍ରଭୁ ହେ ପ୍ରାର୍ଥନା କରୁଅଛି ଜାତି
ତୋତେ ରେ ପ୍ରଣମି ବାରମ୍ବାର
ଏ ଜାତି ଗୌରବ ନ ଯାଉ ରେ କ୍ଷୟ
କାଳ ବକ୍ଷେ ହୋଇ ଯାଉ ଅମର.
******************************

ପବିତ୍ର ଅକ୍ଷୟ ତୃତୀୟା ଅବସରରେ ନୀଳାଦ୍ରିନାଥଙ୍କୁ ସଭକ୍ତି ପ୍ରଣାମ କରିବା ସହିତ ଏ ଜାତି ର ଗୌରବ ଚୀର ଭାସ୍ଵର ହୋଇ ରହି ଥାଉ ଏହି କାମନା ପରମ କାରୁଣିଙ୍କ ନିକଟରେ ମୁଁ କରୁଅଛି.