ଭାବନାରେ କେବେ

ସସ୍ମିତା ପଣ୍ଡା, କଟକ, ୨୬ ମଇ ୨୦୨୩

ଫୁଲକୁ ପ୍ରଜାପତିକୁ
ଏମିତି ଦେଖିନି
ପୁଳାପୁଳା ଅନୁଭବରେ
ଏଣୁତେଣୁ ଭାବନାକୁ
ଅଜାଡ଼ି ଦେଇ ।

ଫଗୁଣରେ ପତ୍ରଝଡ଼ା
ଦେଉଥିବା ଫୁଲଗଛ
ପ୍ରଜାପତି ବିନା
ହସୁଥାନ୍ତି ନା ଲୁହ ଗଡ଼ାନ୍ତି
ଏବେଯାଏ ପଚାରିବା ଶିଖିନି ।

କୃଷ୍ଣଚୂଡ଼ା ରଙ୍ଗ ଧରେ
ଓଠକୁ ଲାଲ୍ କରି
ବୟସ ଓଜାଡ଼ି ହୁଏ
ଓଜନିଆ ଡାଳରେ
ତାକୁ ବୁଝିବା ଶିଖି ପାରିଲିନି
ତାର ମନ ରଙ୍ଗବତୀ ନା
ରଙ୍ଗୀନ ।

ପ୍ରଜାପତି ମାନଙ୍କର ଭିଡ଼ରେ
ଫୁଲ ଓହ୍ଲାଇନି ତ କେବେ
ମୁଁ ଯଦିଓ ପଢ଼ି ପାରିନି
କେବେ ………..
ଆକର୍ଷଣର ତରିକା
ପ୍ରଜାତିର ଯୌବନରେ
କି ଫୁଲର ନଜର ବନ୍ଦୀରେ ।

ଫଗୁଣ ଆଉ ଚଇତ୍ର
କେଉଁ ସମୟର ବ୍ୟବଧାନ
ପତ୍ରଝଡ଼ା ର ନା ଭାରି ଫୁଲରେ
ଚିତାକୁଟେଇ ଥିବା
ଜୁଆରିଆ ବୟସ
ମୁଁ ଆଦୌ ବୁଝିନି ।