ଦେବେନ୍ଦ୍ର କୁମାର ସାହୁ, ନିଶ୍ଚିନ୍ତକୋଇଲି, ୨୯ ସେପ୍ଟେମ୍ବର ୨୦୨୩
ଭଜି ଭଜି ତୋ ନାମ ଚକାନୟନ
ଦେଖି ଦେଖି ତୋ ରୂପ କଳା ବଦନ
ବିତି ଯାଉ ମୋ ଦିନ
ବଞ୍ଚିତ ନ ହୁଏ ଆହେ କାଳିଆ ଧନ.
ଗୁନ୍ଥି ଗୁନ୍ଥି ତୋ ପାଇଁ ଫୁଲର ମାଳ
ବାଛି ବାଛି ତୋ ପାଇଁ ରାଧା ତମାଳ
ସରି ଯାଉ ମୋ କାଳ
ଅନ୍ଧ ନ ହୋଇ ପାଇ ଯାଏ ମୁଁ କୂଳ.
ଜାଳି ଜାଳି ତୋ ଆଗେ କର୍ପୁର ଦୀପ
ନାଚି ନାଚି ତୋ ଆଗେ ଦେଖି ତୋ ଧୂପ
ବିତି ଯାଉ କଳପ
ଦଂଶନ ନ କରୁ ନାଥ ମାୟାର ସର୍ପ.
ଗାଇ ଗାଇ ତୋହର ଜୟ ଠାକୁର
ଖାଇ ଖାଇ ତୋହର ଅନ୍ନ ବେସର
କାଳ ଆସୁ ମୋହର
ଚକ୍ଷୁ ରେ ମୋ ନାଚୁଥାଉ ପଦ୍ମ ପୟର.
ଟାଣି ଟାଣି ତୋହର ରଥ ହେ ନାଥ
ଦେଖି ଦେଖି ତୋହର ଦେଉଳ ନେତ
ପ୍ରାଣ ଯାଉ ସାଆଁନ୍ତ
ଗଲା ବେଳେ ଜୀବ ଯୋଡ଼ି ଥାଏ ମୁଁ ହାତ
