ଅନୁପମା ରାଉତ, ଅନୁଗୁଳ, ୨୮ ମଇ ୨୦୨୩
ଭଲ ଲାଗେ ଯଦି ଋତୁଶ୍ରାବ କଷ୍ଟ
ପଚାରି ବୁଝନ୍ତି କେହି
ଭାବେ ଯାହା ହେଉ ମୋ ଦୁଃଖ କଷ୍ଟକୁ
ଭାବିଲେଣି କେହି କେହି
ଖୁସି ଲାଗେ ଭାବି ଅନ୍ଧ ବିଶ୍ଵାସ ଟା
ଯାଉଛି ଧୀରେ ଦୁରେଇ
ଖୋଲି କହିବାକୁ ଡର ମାଡ଼ୁଥିଲା
ଆଉ ମଉନ ରହିବି ନାହିଁ
ଘରେ ମୋତେ ବାପା ପଚାରନ୍ତି ଏବେ
ଝିଅ ତୋ ପ୍ୟାଡ଼ ନେବିକି
ଭାଇ କହିଲାଣି ପିରିୟଡ଼ସ
ବେଳେ ବିଶ୍ରାମ ନେଉନୁ କାହିଁ
ମାଆ ମୋତେ ଆଉ ବାରଣ କରୁନି
ଅଛୁଆଁ ଅଶୁଦ୍ଧି କହି
ସହଯୋଗ ଏବେ କରୁଛନ୍ତି ସ୍ଵାମୀ
ଶାଶୁଘର ଲୋକ ମିଶି
ବୁଝାଉଛି ମାଆ ଲାଜ କରିବୁନି
ରତୁଶ୍ରାବ ଆମଶକ୍ତି
ଏଇ ରତୁଶ୍ରାବ ନାରୀ ପରିଚୟ
ନାରୀ ପାଇଁ ଆଦ୍ୟାଶକ୍ତି
ସଫା ସୁତୁରାର ଅନୁକୂଳ ନିତି
ଦେବି ସଭିଙ୍କୁ ବତାଇ
ଘର କି ଇସ୍କୁଲ କର୍ମ କ୍ଷେତ୍ର ଅବା
ମେଡିକାଲ ଆଦି ପାଇଁ
ସ୍ଵଚ୍ଛ ଓ ସୁଗମ ଶୌଚାଳୟ ବାର୍ତ୍ତା
ସ୍ୱାସ୍ଥ୍ୟ ଅଧିକାର ଏହି
ରତୁଶ୍ରାବ କଥା ଖୋଲିକି କହିଲେ
ପାପ କିଛି ହୁଏ ନାହିଁ
ପ୍ରାକୃତିକ ଏହା ନାରୀ ର ଶରୀରେ
ସଂକୋଚ ମନରେ କାହିଁ
ରତୁଶ୍ରାବ ଆଉ ସ୍ୱାସ୍ଥ୍ୟ ଅଧିକାର
ଦେବା ସଭିଙ୍କୁ ବୁଝାଇ
ସଫା ସୁତୁରା ଟି ମୂଳ ଲକ୍ଷ୍ୟ
ଏହା ମନରୁ ଭୁଲିବା ନାହିଁ
ସରକାରୀ ନିତି ବ୍ୟବସ୍ତା ରେ ଏବେ
ହେବ ଅନୁକୂଳ ସ୍ଥିତି
ଅଧିକାର ପାଇଁ ଉଠିଲାଣି କଥା
ସ୍ଵର ରେ ସ୍ଵର ମିଳେଇ
