ବିଧାନସଭାରେ “ଲୋକ ବଜେଟ”

ବିଧାନସଭାକୁ ମୋହନ ସର୍କାର
ଏଥର ନୂଆ କରି ସାମ୍ନା କରିବ,
ସଂକଳ୍ପପତ୍ରର ପ୍ରସଙ୍ଗ ଗୁଡ଼ିକୁ
ଗୃହରେ ଯୋଜନାର ରୂପ ଦେବ ।। ୧ ।।

ନିର୍ବାଚନ ବେଳେ ଓଡ଼ିଶାବାସୀଙ୍କୁ
ଦଳ ବହୁ ପ୍ରତିଶୃତି ଦେଇଥିଲା,
ତାହାର ଯଥାର୍ଥ ରୂପାୟନ ଲାଗି
ଏବେ ସଠିକ୍ ସମୟ ଆସିଗଲା ।। ୨ ।।

ମୁଖ୍ୟ ପ୍ରତିଶୃତି କାର୍ଯ୍ୟକାରୀ ପାଇଁ
କେମିତି ଯୋଜନା ହେଉଚି,
ତାହା ଦେଖିବାକୁ ଭୋଟର ମହଲ
ଅଧିବେଶନକୁ ଚାହିଁ ରହିଛି ।। ୩ ।।

ଲୋକଙ୍କ ସର୍କାର ଗଢିବା ଲକ୍ଷ୍ୟରେ
ଗୃହରେ “ଲୋକ-ବଜେଟ” ଆସିବ,
ଭୋଟରଙ୍କ ପ୍ରତି ଧ୍ୟାନ ଦିଆଯାଇ
ସବୁ ପ୍ରତିଶୃତି ପାଳନ କରାଯିବ ।। ୪ ।।

ଲୋକ ଚାହିଁଛନ୍ତି ଭତ୍ତା ତିନି ହଜାର
ବର୍ଦ୍ଧିତ ଏମ୍.ଏସ୍.ପି କେବେ ମିଳିବ,
ବହୁ ପ୍ରତୀକ୍ଷିତ “ସୁଭଦ୍ରା” ଯୋଜନା
କିଭଳି ମହିଳାଙ୍କ ମନ ମୋହିବ ।। ୫ ।।

ବିରୋଧୀ ଦଳରେ ବସିବ ଏଥର
ପ୍ରଥମେ ବିଜୁ ଜନତା ଦଳ,
ଅଙ୍କ ଭୁଲ କରି ଗାଦିଚ୍ୟୁତ ହୋଇ
ତାହା ହରାଇଛି ଆତ୍ମବଳ ।। ୬ ।।

କ୍ଷମତାରେ ରହି ମଦମତ୍ତ ହୋଇ
ବିଜେଡ଼ି ମୌଳିକ କର୍ତ୍ତବ୍ୟ ଭୁଲିଲା,
ସେଥିପାଇଁ ପରା ନିର୍ବାଚନରେ
ଏଭଳି ଦୁର୍ଦ୍ଦଶାକୁ ସାମ୍ନା କଲା ।। ୭ ।।

ଚିଟ୍ ଫଣ୍ଡ ଟଙ୍କା ଫେରସ୍ତ ହେଲାନି
କାଗଜେ ସାମ୍ବାଦିକ ପେନସନ ରହିଲା,
ନବୀନ, “ଯାହା କହନ୍ତି – ତାହା କରନ୍ତି”
ଉକ୍ତିକୁ ସର୍କାର ପୁରା ଭୁଲିଗଲା ।। ୮ ।।

ଯୁବବର୍ଗ ପାଇଁ ରୋଜଗାର ନୋହିଲା
ଚାଷୀ ମନରେ ଭରିଲା ନିରାଶା,
ନିର୍ବାଚନ କାଳେ ପେନସନ ଘୋଷଣାକୁ
ମହିଳା କରି ପାରିଲେନି ଭରଷା ।। ୯ ।।

କୃଷି, ସେଚ ଓ ଷ୍ଟିଲବଣ୍ଡ ଦୁର୍ନୀତିର
ସି.ବି.ଆଇ. ତଦନ୍ତ ଘୋଷଣା,
ଚବିଶ ବର୍ଷର ଶାସନ କାଳରେ
ବିଗତ ସର୍କାରକୁ କଲା ବାଟବଣା ।। ୧୦।।

ଲକ୍ଷେ କୋଟି ଟଙ୍କା ଖଣି ଦୁର୍ନୀତିର
ତଦନ୍ତକୁ ବିଜେଡ଼ି ଗଲା ପାଶୋରି,
ମୋହନ ସର୍କାର ଦମ୍ଭୋକ୍ତି କରିଛି
ଖଣି ଚୋରଙ୍କୁ ଦେବ ଜେଲରେ ଭରି ।। ୧୧।।

ଲୋକ ଚାହିଁଛନ୍ତି ବିଧାନସଭାରେ
ଦେଖିବାକୁ ଏସବୁ ଝଲକ,
ଲୋକଙ୍କ ସର୍କାର, ଲୋକ ମୁଖ୍ୟମନ୍ତ୍ରୀ
କରିବେନି ତ ଆଉ ନାଟକ ? ।। ୧ ୨ ।।