ପ୍ରଭୁକଲ୍ୟାଣ ମହାପାତ୍ର, ଭୁବନେଶ୍ୱର, ୧୩ ଅକ୍ଟୋବର ୨୦୨୬
କିଛି ଚିହ୍ନ ଲିଭିଯାଏ ସମୟ ସୁଅରେ
ଆଉ କିଛି ନିଶ୍ଚିହ୍ନ ହୁଏ ଅଳ୍ପ ଦିନରେ
ବାକି କିଛି ଲିଭିବାକୁ ସମୟ ଲଗେରେ
ଏମିତିବି ଚିହ୍ନ କିଛି ଅଲିଭା ରହେରେ ।।୧।।
କିଛି ଚିହ୍ନ ରହିଥାଏ ଝାପ୍ସା ସ୍ମୃତିରେ
ଆଉ କିଛି ଥାଏ ପୁଣି ଅଳସ ମୁଦ୍ରାରେ
ବାକି କିଛି ଚିହ୍ନ ଖାଲି ହୃଦୟ ବିଦାରେ
ଏମିତିବି କିଛି ରହେ ଗଭୀର ମନରେ ।।୨।।
କିଛି ଚିହ୍ନ ସ୍ମୃତି ହୋଇ ମନରେ ଭାସେରେ
ସେଇ ସ୍ମୃତି ଉଙ୍କିମାରେ ମଝିରେ ମଝିରେ
ଲୁଚିଯାଏ ତାହା କେବେ ଅମା ଅନ୍ଧକାରେ
ପୁଣି କିଛି ଲୀନ ହୁଏ ବିସ୍ମୃତି ଗର୍ଭରେ ।।୩।।
