ଦେବେନ୍ଦ୍ର କୁମାର ସାହୁ, ନିଶ୍ଚିନ୍ତକୋଇଲି, ୨୨ ଡିସେମ୍ବର ୨୦୨୨
ଦୁନିଆଁ ହାଟ ରେ ସଉଦା ଦୁଇଟି
ଦୁଃଖ ଆଉ ସୁଖ ମିଳଇ ସବୁଠି,
ସୁଖ କିଣିବାକୁ ସଭିଏଁ ତତ୍ପର
ଦୁଃଖ ରେ କେ ହେବ ଆଉଟି ପାଉଟି?
ସୁଖ ନୁହେଁ ସାଥୀ ସବୁବେଳର
ନୁହେଁ ସିଏ ଜମା ସହଜ ସୂକ୍ଷ୍ମର,
ପାଇବାକୁ ସୁଖ ଜୀବନ ହାଟ ରେ
ଦେଖିବାକୁ ହେବ ସୁଖ ଆନର.
ନିଜ ସୁଖ ନିଜ ପାଖରେ ନ ରଖି
ଖର୍ଚ୍ଚ କଲେ ଆନ ଦୁଃଖ ପରଖି,
ସଉଦା ଥଳୀଟି ପୂରିବ ସୁଖରେ
ମିଳିଯିବ ହସ ଖୁସି ଖୋରାକି.
ଦୁଃଖ ସଭିଙ୍କର ଥଳି ରେ ରହିଛି
କିଣିଛି କେ ସୁଖ ଖାଲି ବାଛି ବାଛି?
ନିଜ ଦୁଃଖ ନିଜ ଥଳିରେ ସାଇତି
ବାଣ୍ଟି ଦିଅ ସୁଖ ଲୋଭ ମୁରୁଛି.
ଭାବିବ କାହାକୁ କହ ଆପଣାର?
ଯିଏ ନବ ତୁମ ଦୁଃଖ ଭଣ୍ଡାର,
ତା’ନିକଟେ ନିଜ ଦୁଃଖ ପସରା
ନବ କାହିଁ ତୁମ ସଉଦା ଦୁଃଖ ର?
କହନ୍ତି ସଭିଏଁ ଦୁଃଖ କହିଦେଲେ
ସେ ବୋଝ ଲାଘବ ହୁଏ ଭଲେ ଭଲେ,
ଯଦି ଆହା ତୁମ ଦୁଃଖରେ ନ ମିଳେ
ଦୁଃଖ କୁ ବାଣ୍ଟିବ କାହିଁ କାହା ତୁଲେ?
