ଦୁଃଖ ର କାରଣ କାମନା

ଦେବେନ୍ଦ୍ର କୁମାର ସାହୁ, ନିଶ୍ଚିନ୍ତକୋଇଲି, ୫ ମଇ ୨୦୨୩

ଦୁଃଖର କାରଣ କାମନା
ଏହା ଥିଲା ତୁମ ଭାବନା
କାମନା ବିନାଶ କରିବା ପାଇଁକି
ତୁମେ ଦେଲ ନରେ ଚେତନା.

ବ୍ୟାଧି ଜରା ମୃତ୍ୟୁ ଦେଖିଲ
ଜୀବନ ଅସାର ବୁଝିଲ
ରାଜକୀୟ ଭୋଗ ବିଳାଶ ଛାଡ଼ିଣ
ସାଧନା ରେ ବ୍ରତୀ ହୋଇଲ.

ନିରଞ୍ଜନା ନଦୀ ତଟରେ
ଅଶ୍ୱସ୍ତ ବୃକ୍ଷର ମୂଳରେ
ବାର ବରଷ ର ସାଧନାର ପରେ
ଜ୍ଞାନ ପ୍ରାପ୍ତି ହେଲ ହୃଦରେ.

ଭିକ୍ଷୁକ ଜୀବନ ଆଦରି
ପ୍ରାପ୍ତ ଜ୍ଞାନ ଦେଲ ବିତରି
ଦୁଃଖୀ ଲୋକ ତୁମ ଶରଣରେ ଗଲେ
ଦୁଃଖ ନ ରହିଲା ତାହାରି.
————————————–
ବୈଶାଖ ପୂର୍ଣ୍ଣିମା ତିଥିରେ
ରାଜା ସୁଧୋଦନ କୋଳରେ
ଜନମ ଲଭିଲ ଆହେ ତଥାଗତ
ଖେଳିଗଲା ଖୁସି ରାଜ୍ୟରେ.

ପତ୍ନୀ ପୁତ୍ର ମୋହ ଛାଡ଼ିଲ
ସନ୍ୟାସ ବ୍ରତ ଆଚରିଲ
ବୈଶାଖ ପୂର୍ଣ୍ଣିମା ପବିତ୍ର ଲଗ୍ନରେ
ସଦଜ୍ଞାନ ପ୍ରାପ୍ତ ହୋଇଲ.

ବୈଶାଖ ପୂର୍ଣ୍ଣିମା ଦିନରେ
ଶିଷ୍ୟ ସାଧୁ ସନ୍ଥ ମେଳରେ
ଇହଲୀଳା ତୁମେ କରି ସମାପନ
ବିଶ୍ରମିଲ ବିଭୁ ପାଦରେ.
————————————–
ଜନ୍ମ ତୁମ ଯେଉଁ ତିଥିରେ
ବୁଦ୍ଧ ହେଲ ସେହି ତିଥିରେ
ଚୀର ନିଦ୍ରା ଗଲ ଆହେ ତଥାଗତ
ସେହି ସେ ପୂର୍ଣ୍ଣିମା ଲଗ୍ନରେ.

ସେ ପାଇଁ ବୈଶାଖ ପୂର୍ଣ୍ଣିମା
ହୋଇଅଛି ବୁଦ୍ଧ ପୂର୍ଣ୍ଣିମା
ସାରା ବିଶ୍ୱ ଆଜି ଡାକୁଛି ଭକ୍ତିରେ
ଶରଣ କୁ ନିଅ ମଣିମା.
————————————–
ପବିତ୍ର ବୁଦ୍ଧ ପୂର୍ଣ୍ଣିମା ଅବସରରେ
ଗୌତମ ବୁଦ୍ଧ ଙ୍କୁ ଶତ କୋଟି ପ୍ରଣତି ଅଧୀନ