ଏଣ୍ଡୁରୀ ଜନମ ନେଲାରେ

ଭକ୍ତ ଚରଣ ସାହୁ, ଯାଜପୁର,୧୬ ନଭେମ୍ବର ୨୦୨୨

ପ୍ରଥମା ଅଷ୍ଟମୀ
ସକାଳରେ ଆଜି
ସୂର୍ଯ୍ୟ ଯେବେ ଦେଖା ଦେଲାରେ ।
ହଳଦୀ ପତର
ବସନ ପିନ୍ଧିକି
ଏଣ୍ଡୁରୀ ଜନମ ନେଲାରେ ।।
ଖାଉଛେରେ ମନ ଭରିକି ।
ଯେତେ ପିଠା ଅଛି
ଆମ ସଂସ୍କୃତିରେ
କେହି ନୁହେଁ ତା’ର ସରିକି ।।

ଆମ ରାଇଜର
ପ୍ରତି ଘରେ ଥିବା
ଜ୍ୟେଷ୍ଠ ପୁଅ ଝିଅ ଯେତେରେ ।
ଆଜିର ଦିନରେ
ପୋରୁଆଁ ହେଲେରେ
ଆନନ୍ଦ ହୋଇକି ସେତେରେ ।।
ନୂଆ ପୋଷାକ ସେ ନାଇକି ।
ମନ୍ଦିରରେ ଦିଅଁ
ଦରଶନ କଲେ
ସରାଗରେ ଗୀତ ଗାଇକି ।।

ବାର ମାସ ତେର
ପରବ ପାଳୁଛେ
ଆମ ରାଇଜରେ ଥାଇକି ।
ନାନା ଜାତି ପିଠା-
ପଣା ଘରେ ହୁଏ
ଖୁସି ହେଉ ତାକୁ ଖାଇକି ।।
ଓଡ଼ିଶାରେ ଜନ୍ମ ପାଇକି ।
କେଡେ ଖୁସି ହୋଇ
ରହିଛୁରେ ସବୁ
ସଂସ୍କୃତିର ଗୁଣ ଗାଇକି ।।

ଆମ ଏ ସଂସ୍କୃତି
ଆମ ପରମ୍ପରା
ଜାଣିଥା ମହାନ କେତେରେ ।
ତା’ ଗୁଣ ଗାରିମା
କଅମ ହୋଇବ
ବର୍ଣ୍ଣନା କରିଲେ ଯେତେରେ ।।
ଆନନ୍ଦଟା ଯାଏ ଦିଶିରେ ।
ବଞ୍ଚାଇ ରଖିବା
ସଂସ୍କୃତିକୁ ଆମ
ଆସ ସବୁ ମିଳିମିଶିରେ ।।