ଦେବେନ୍ଦ୍ର କୁମାର ସାହୁ, ନିଶ୍ଚିନ୍ତକୋଇଲି, ୨୮ ଡିସେମ୍ବର ୨୦୨୩
ଜୀବନ ର ଚଲାପଥ ଖାଲ ଢିପ ପୂର୍ଣ୍ଣ
ଚାଲିବାକୁ ଲାଗେ କଷ୍ଟ,
ଦୁଇ ଆଖିଖୋଲି ଚାଲି ନ ଜାଣିଲେ
ଚାଲିବାଟା ହୁଏ ନଷ୍ଟ.
ଆସିବବି କେତେ ଝଡ଼ ଝଞ୍ଜା ପଥେ
କଣ୍ଟକିତ ହେବ ରାହା
ଦୃଢ ମନ ବଳ ଛିଡା ହୋଇ କଡେ
ହୋଇବ ବିପଦେ ସାହା.
ସହଜ ସୁନ୍ଦର ନୁହଁଇ ଜୀବନ
କଟିଯିବ ନିରାପଦେ
ପ୍ରତି ପଦ ତା’ର ଦୁର୍ବୋଧ୍ୟ କବିତା
ଲେଖା ଅମିତ୍ରା ଛନ୍ଦେ.
ଉପଯୁକ୍ତ ଶିକ୍ଷା ସେହି କବିତା କୁ
କରି ଦିଏ ବୋଧଗମ୍ୟ
ବୁଝିବା ଗାଇବା ଲାଗେନାହିଁ କଷ୍ଟ
ହୁଏ ନାହିଁ ଵିଧି ବାମ.
ବାର ବାର କରି ପଚାରି ମନକୁ
ବାଛି ନେଲେ ଚଲା ପଥ
ଲକ୍ଷ୍ୟ ସ୍ଥଳ କେବେ ନୁହେଁ ଅପହଞ୍ଚ
ସହଜେ ହୁଅଇ ପ୍ରାପ୍ତ.
