କଳା ସାଆନ୍ତେ….ଆସନ୍ତକି ମିଶି ଅଭଡ଼ା ଖାଆନ୍ତେ

ଭକ୍ତ ଚରଣ ସାହୁ, ଯାଜପୁର, ୫ ଜୁଲାଇ ୨୦୨୩

କଳା ସାଆନ୍ତେ…
ଆସନ୍ତକି ମିଶି ଅଭଡ଼ା ଖାଆନ୍ତେ…
ରତ୍ନସିଂହାସନୁ
ଆନନ୍ଦ ବଜାର
ମିଳିମିଶି ଆମେ ଦୁହେଁ ଯାଆନ୍ତେ… ଯାଆନ୍ତେ…
ଆସନ୍ତକି ମିଶି ଅଭଡ଼ା ଖାଆନ୍ତେ…(ଘୋଷ)

ଶ୍ରୀମୁଖରୁ ତବ
ପଡ଼ୁଥାନ୍ତା ଝରି
ଅବଢ଼ା ଭାତରୁ ଦି’ଟା ।
ସେ ଅଭଡ଼ା ଭାତ
ସାଉଁଟି ଖାଆନ୍ତି
ଲାଗୁଥାନ୍ତା କେଡେ ମିଠା ।।
ଅଭଡ଼ା ବାଲାଏ
ଯାଚୁ ଥାନ୍ତେ ଖାଲି
ଆମେ ତାଙ୍କୁ ମନା କରୁ ଥାଆନ୍ତେ… ଥାଆନ୍ତେ…
ଆସନ୍ତକି ମିଶି ଅଭଡ଼ା ଖାଆନ୍ତେ…
କଳା ସାଆନ୍ତେ… (୧)

ଭୋକ ମେଣ୍ଟିଯାନ୍ତା
ତୁମ ସାଥେ ବସି
ଖାଇଲେ ଅଭଡ଼ା ଭାତ ।
ତୁମକୁ ପ୍ରଭୁହେ
ଖୋଇ ଦେଉଥାନ୍ତା
ମୋର ଏ ଛୋଟିଆ ହାତ ।।
ଏ ବିରଳ ଦୃଶ୍ୟ
ଦେଖି ଭକ୍ତ ଜନେ
ଆନନ୍ଦରେ ନାଚି ଗୀତ ଗାଆନ୍ତେ…ଗାଆନ୍ତେ…
ଆସନ୍ତକି ମିଶି ଅଭଡ଼ା ଖାଆନ୍ତେ…
କଳା ସାଆନ୍ତେ… (୨)