ନୀଳାଦ୍ରୀ ବିଜେ

ଦେବେନ୍ଦ୍ର କୁମାର ସାହୁ, ନିଶ୍ଚିନ୍ତକୋଇଲି, ୧ ଜୁଲାଇ ୨୦୨୩

ହେ ରସ ଶେଖର ପ୍ରଭୁ ଜଗନ୍ନାଥ
ନୀଳାଦ୍ରୀ ବିଜୟ କରିବ ଆଜି
ପରିପୂର୍ଣ୍ଣ ହେବ ରତ୍ନ ସିଂହାସନ
ଚତୁର୍ଦ୍ଧା ମୂର୍ତ୍ତି ରେ ହୋଇବ ସାଜି.

ସେ ରସିକ ରାଜ ରସଗୋଲା ଦେଇ
ମା’ ଲକ୍ଷ୍ମୀ ଙ୍କର ଭାଙ୍ଗିବେ ମାନ
ସିଂହ ଦୁଆର ର କବାଟ ଖୋଲିବ
ଭକ୍ତ କରୁଥିବେ ଭଜନ ଗାନ.

ଆନନ୍ଦ ଲହରୀ ଖେଳିଯାଉ ଥିବ
ଗଗନ ପବନ ହୋଇବ ପୂତ
ଶ୍ରୀମନ୍ଦିର ବେଢା ଦେବ ଦେବୀ
ତୁମ ଆଗମନେ ହୋଇବ ତୃପ୍ତ.

ତୁମ ଆସିବାରୁ ଆନନ୍ଦ ବଜାର
ମହ ମହ ହୋଇ ବାସି ଉଠିବ
ଶ୍ରୀନୀଳଚକ୍ରରେ ପତିତପାବନ
ବିନମ୍ରେ ଖୁସିରେ ଉଡ଼ି ଚାଲିବ.