ଜୟଶ୍ରୀ ଦାସ, ବାଲେଶ୍ଵର, ୫ ଜାନୁଆରୀ ୨୦୨୩
ବଦଳାଇ ଦିନ ଦଣ୍ଡ ମାସ ଓ ବରଷ
ଧରାରେ ପାଦଦେଲା ଦି-ସହସ୍ର ତେଇଶ
କେ କେତେ ରୋଶଣି କରି କରନ୍ତି ସ୍ଵାଗତ
ସତେ କି ଏ ସମୟକୁ କରିବେ ଆୟତ୍ତ
ବରଷ ବଦଳିବାରେ ଆଜି ନୂଆ କିବା
କାଳର ମହା ପ୍ରବାହେ କାଳଖଣ୍ଡ ଅବା
ଭୋଜିଭାତ ମହୋତ୍ସବ କାହିଁକି ଏପାଇଁ
ସମୟ ସୁଅକୁ କେବେ ରଖିହେବ ନାହିଁ
ସମୟର ଉପଯୋଗ ନପାରିଲେ କରି
ପ୍ରଗତି ବେଳରେ ନର ପଛେ ଥାଏ ପଡ଼ି
ନୂଆର ଛୁଆଁରେ ଏତେ ନୋହି ଉତ୍ସାହିତ
କରମରେ ଆମେ ମାତିଯିବା ଅବିରତ
ସାରା ସଂସାରର ଆମେ ପାଞ୍ଚିଲେ ମଙ୍ଗଳ
ବରଷ ପାଳନ ନିଶ୍ଚେ ହୋଇବ ସଫଳ।।।
